അത്ഭുതമാണ് ഈ ഓട്ടമത്സരം..!

അയര്‍ലന്‍റിലെ സര്‍വ്വകലാശാല കായികമേളയില്‍ റിലേ മത്സരത്തില്‍ അവസാന ലാപ്പിലെ അവിസ്മരണീയ കുതിപ്പ് സോഷ്യല്‍ മീഡിയയില്‍ തരംഗമാകുന്നു. അഞ്ചാം സ്ഥാനത്തു നിന്നും ഒന്നാമതായി കുതിച്ചെത്തിയ കായികതാരത്തിന്‍റെ അവിശ്വസനീയ കുതിപ്പാണ് ഈ വീഡിയോയില്‍. 4*400 മീറ്റര്‍ റിലേയിലാണ് കോര്‍ക് സര്‍വ്വകലാശാലയ്ക്കായി കളത്തിലിറങ്ങിയ ഫില്‍ ഹീലിയാണ് ചരിത്ര പ്രകടനം നടത്തുന്നത്.

മത്സരത്തിലെ മൂന്നാം ലാപ് തീരുമ്പോള്‍ അഞ്ചാം സ്ഥാനത്തായിരുന്നു ഹീലിയുടെ ടീം. അതിനാല്‍ തന്നെ ബാറ്റണ്‍ ഏറ്റുവാങ്ങിയപ്പോള്‍ മുന്‍ നിരയിലുള്ളവരെ ഓടിച്ചിട്ട് പിടിക്കാമെന്ന പ്രതീക്ഷ പോലുമില്ലാതെയാണ് ഹീലി നീങ്ങിയത്. 

എന്നാല്‍ മത്സരം പുരോഗമിക്കുന്തോറും താന്‍ നല്ല രീതിയില്‍ മുന്നേറുന്നതായി ഹീലിക്ക് മനസിലായി. ആഞ്ഞുപിടിച്ചാല്‍ മൂന്നാം സ്ഥാനമെങ്കിലും സ്വന്തമാക്കാമെന്ന പ്രതീക്ഷ വന്നത്. 130 മീറ്റര്‍ ബാക്കിനില്‍ക്കെ രണ്ടും കല്‍പ്പിച്ച് ഒരു കുതിപ്പിന് ഹീലിയെ പ്രേരിപ്പിച്ചത് ഈ ചിന്തയാണ്. പിന്നെ നടന്നത് ചരിത്രമായ ഫിനിഷിംഗ്.