മഹാപ്രളയം; രക്ഷാപ്രവര്‍ത്തകരെ അഭിനന്ദിച്ച് സച്ചിന്‍

'നിങ്ങളുടെ ധൈര്യവും കരുണയും ഞങ്ങള്‍ക്ക് പ്രചോദനമാണ്. ദൈവം രക്ഷിക്കട്ടെ'

ദില്ലി: ഇന്ത്യന്‍ വ്യോമ, നാവിക, കരസേനകളെയും കേരളത്തിലെ മറ്റ് രക്ഷാപ്രവര്‍ത്തകരെയും അഭിനന്ദിച്ച് സച്ചിന്‍ ടെണ്ടുല്‍ക്കര്‍. 'നിങ്ങളുടെ ധൈര്യവും കരുണയും ഞങ്ങള്‍ക്ക് പ്രചോദനമാണ്. ദൈവം രക്ഷിക്കട്ടെ' എന്നും സച്ചിന്‍ ട്വിറ്ററില്‍ കുറിച്ചു.

കേരളത്തിനൊപ്പം എല്ലാവരും നില്‍ക്കണമെന്ന് നേരത്തെ സച്ചിന്‍ ട്വിറ്ററിലൂടെ ആവശ്യപ്പെട്ടിരുന്നു. പ്രാര്‍ഥനകളെക്കാളും ഈ നിമിഷം വേണ്ടത് കഴിയുന്നത്ര സഹായം ചെയ്യുക എന്നതാണ്. ചെറുതും വലുതുമായ സംഭാവനകള്‍ കേരളത്തിന്‍റെ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കണമെന്നും സച്ചിന്‍ അഭ്യര്‍ഥിച്ചു.