വരള്ച്ചയെക്കുറിച്ച് പറയേണ്ടത് സച്ചിനെന്ന് കാംബ്ലി; കളിയാക്കിക്കൊന്ന് ആരാധകര്
Synopsis
മുംബൈ:മഹാരാഷ്ട്രയിലെ വരള്ച്ചാ പ്രശ്നത്തിലേക്ക് സച്ചിന് ടെന്ഡുല്ക്കറുടെ പേരുകൂടി വലിച്ചിട്ട സുഹൃത്ത് വിനോദ് കാംബ്ലിയ്ക്കുനേരെ ട്വിറ്ററില് പരിഹാസപ്പെരുമഴ. മഹാരാഷ്ട്രയിലെ രൂക്ഷമായ വരള്ച്ചയുടെ പശ്ചാത്തലത്തില് ഐപിഎല് ഫൈനല് അടക്കം മത്സരങ്ങള് മാറ്റിവെച്ചതിനെക്കുറിച്ചായിരുന്നു കാംബ്ലിയുടെ പരാമര്ശം. വരള്ച്ചമൂലം ഐപിഎല് മത്സരങ്ങള് മുംബൈയില് നിന്ന് മാറ്റിയതിനെക്കുറിച്ച് പറയാന് ഏറ്റവും അനുയോജ്യന് ഭാരതരത്നമാണെന്നായിരുന്നു കാംബ്ലിയുടെ പരിഹാസച്ചുവയുള്ള ട്വീറ്റ്.
എന്നാല് കാംബ്ലിയുടെ ട്വീറ്റിനെതിരെ സച്ചിന് ആരാധകര് രൂക്ഷമായാണ് പ്രതികരിച്ചത. സുഹൃത്തായാല് ഇങ്ങനെ വേണമെന്നായിരുന്നു ഒരു ആരാധകന്റെ മറുപടി. ഒരുകാലത്ത് ഏറ്റലും അടുത്ത സുഹൃത്തുക്കളും ടീം ഇന്ത്യയിലെ സഹതാരങ്ങളുമായിരുന്ന സച്ചിനും കാംബ്ലിയും അടുത്തകാലത്ത് അത്ര രസത്തിലായിരുന്നില്ല. സച്ചിന്റെ വിരമിക്കല് പ്രസംഗത്തില് കാംബ്ലിയുടെ പേര് പറയാതിരുന്നത് ഇരുവരും തമ്മിലുള്ള അകല്ച്ചയ്ക്ക് ആക്കം കൂട്ടുകയും ചെയ്തു.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!