'വര്‍​​ഗീ​യ​ത ക​ല​ർ​ത്തിയിട്ടില്ല'; വിമര്‍ശങ്ങള്‍ക്ക് പിന്നാലെ മാപ്പ് പറഞ്ഞ് സേവാഗിന്‍റെ രണ്ടാം ട്വീ​റ്റ്

അട്ടപ്പാടിയില്‍ മോഷണക്കുറ്റം ആരോപിച്ച് ആദിവാസി യുവാവ് മധുവിനെ ജനക്കൂട്ടം മര്‍ദ്ദിച്ചുകൊന്ന സംഭവത്തെ വിമര്‍ശിച്ച  ട്വീറ്റ് വിവാദമായതിനു പിന്നാലെ മാപ്പ്  പറഞ്ഞ് മു​ൻ ഇ​ന്ത്യ​ൻ ക്രി​ക്ക​റ്റ് താ​രം വിരേന്ദര്‍ സെവാഗ്.  കേ​സു​മാ​യി ബ​ന്ധ​പ്പെ​ട്ട് പി​ടി​യി​ലാ​യ​വ​രി​ൽ മൂ​ന്നു മു​സ്ലീം  പേ​രു​ക​ൾ പ​രാ​മ​ർ​ശി​ച്ചാ​യി​രു​ന്നു സെ​വാ​ഗി​ന്‍റെ ആദ്യ  ട്വീ​റ്റ്.

ആ​ദി​വാ​സി യു​വാ​വി​നെ കൂ​ട്ട​ക്കൊ​ല ചെ​യ്ത​ത് പ​രി​ഷ്കൃ​ത സ​മൂ​ഹ​ത്തി​ന് അ​പ​മാ​ന​മാ​ണെ​ന്നും സെ​വാ​ഗ് ട്വീ​റ്റി​ൽ കു​റ്റ​പ്പെ​ടു​ത്തി. മ​ധു ഒ​രു കി​ലോ​ഗ്രാം അ​രി മോ​ഷ്ടി​ച്ചു. ഉ​ബൈ​ദ്, ഹു​സൈ​ൻ, അ​ബ്ദു​ൽ​ക​രീം എ​ന്നി​വ​ര​ട​ങ്ങു​ന്ന സം​ഘം ആ ​പാ​വം ആ​ദി​വാ​സി യു​വാ​വി​നെ ത​ല്ലി​ക്കൊ​ന്നു. ഇ​ങ്ങ​നെ​യൊ​ക്കെ സം​ഭ​വി​ക്കു​ന്ന​ത് പ​രി​ഷ്കൃ​ത സ​മൂ​ഹ​ത്തി​ന് അ​പ​മാ​ന​മാ​ണ്- സെ​വാ​ഗ് ട്വീ​റ്റ് ചെ​യ്തു.

ട്വീ​റ്റ് മാ​ധ്യ​മ​ങ്ങ​ൾ വാ​ർ​ത്ത​യാ​ക്കി​യ​തോ​ടെ വി​മ​ർ​ശ​ന​വു​മാ​യി സ​മൂ​ഹ​മാ​ധ്യ​മ​ങ്ങ​ൾ രം​ഗ​ത്തെ​ത്തി. വര്‍ഗ്ഗീയത കലര്‍ത്തുന്നുവെന്നായിരുന്നു വിമര്‍ശനം. വി​വി​ധ മ​ത​ക്കാ​ര​ട​ക്കം 12 പേ​ർ കേ​സി​ൽ അ​റ​സ്റ്റി​ലാ​യി​ട്ടും മു​സ്ലീം  പേ​രു​ക​ൾ മാ​ത്രം ട്വീ​റ്റ് ചെ​യ്ത​തും മ​ധു​വി​നെ മ​ർ​ദി​ച്ചു സെ​ൽ​ഫി​യെ​ടു​ത്ത​വ​രും ത​മ്മി​ൽ വ​ലി​യ വ്യ​ത്യാ​സ​മൊ​ന്നു​മി​ല്ലെന്നുമായിരുന്നു  വി​മ​ർ​ശ​ന​ങ്ങ​ളി​ൽ ഏ​റെ​യും. 

വിമര്‍ശനങ്ങള്‍ കത്തികയറിയതിനു പിന്നാലെയാണ് ട്വീറ്റില്‍ കുറ്റകൃത്യത്തില്‍ ഉള്‍പ്പെട്ട കുറെ ആളുകളുടെ പേര് വിട്ടുപോയത് തന്‍റെ തെറ്റാണെന്നും ക്ഷമ ചേദിക്കുന്നുവെന്നും കുറിച്ചുകൊണ്ടുള്ള രണ്ടാമത്തെ ട്വീറ്റ് എത്തിയത്. എന്നാല്‍ സംഭവം വര്‍ഗീയ വല്‍ക്കരിച്ചതല്ലെന്നും സെവാഗ് ട്വീറ്റില്‍ കൂട്ടിച്ചേര്‍ക്കുന്നു.