ഓസീസ്- കിവീസ് കൂട്ടുകെട്ടില്‍ ഒരു തകര്‍പ്പന്‍ ക്യാച്ച് കാണാം- വീഡിയോ

ഡെല്‍ഹി താരങ്ങളായ ഗ്ലെന്‍ മാക്‌സ്‌വെല്ലും ട്രെന്‍ഡ് ബൗള്‍ട്ടുമാണ് ആരാധകര്‍ക്ക് മനോഹരമായ ക്യാച്ചൊരുക്കിയത്. 

ദില്ലി: ഇന്ത്യന്‍ പ്രീമിയല്‍ ലീഗില്‍ വീണ്ടുമൊരു തകര്‍പ്പന്‍ ക്യാച്ച്. മുംബൈ ഇന്ത്യന്‍സിനെതിരായ മത്സരത്തില്‍ ഡെല്‍ഹി താരങ്ങളായ ഗ്ലെന്‍ മാക്‌സ്‌വെല്ലും ട്രെന്‍ഡ് ബൗള്‍ട്ടുമാണ് ആരാധകര്‍ക്ക് മനോഹരമായ ക്യാച്ചൊരുക്കിയത്. 

പത്താം ഓവര്‍ എറിയാനെത്തിയത് സന്ദീപ് ലാമിച്ചാനെ. നേപ്പാള്‍ യുവതാരത്തിന്റെ നാലാം പന്ത് നേരിടുന്നത് വിന്‍ഡീസ് താരം കീറണ്‍ പൊള്ളാര്‍ഡ്. ലോങ് ഓണ്‍ സിക്‌സിന് ശ്രമിച്ച പൊള്ളാര്‍ഡിന് പിഴിച്ചു. ബൗണ്ടറി ലൈനില്‍ ഗ്ലെന്‍ മാക്‌സ്‌വെല്ലിന്റെ കൈകളിലേക്ക്. 

എന്നാല്‍ നിലതെറ്റ് ബൗണ്ടറി ലൈനിനപ്പുറത്തേക്ക് വീഴുന്നനിടെ മാക്‌സ്‌വെല്‍ പന്ത് ഉയര്‍ത്തിയിട്ടു. അടുത്തുണ്ടായിരുന്ന ബൗള്‍ട്ടിന് അനായാസ ക്യാച്ച്.