ഫീല്ഡ് ചെയ്യാനിറങ്ങിയപ്പോള് ധോണി അമ്മയുടെ പേരെഴുതിയ ജേഴ്സി മാറ്റിയത് എന്തിന് ?
Synopsis
വിശാഖപട്ടണം: ന്യൂസിലന്ഡിനെതിരായ അഞ്ചാം ഏകദിന മത്സരത്തില് ഇന്ത്യന് താരങ്ങളെല്ലാം അമ്മമാരുടെ പേരെഴുതിയ ജേഴ്സി ധരിച്ചാണ് ഫീല്ഡില് ഇറങ്ങിയത്. ക്രിക്കറ്റ് ലോകത്ത് ഇത് വലിയ ചര്ച്ചയാവുകയും ചെയ്തു. അമ്മമാരോടുള്ള ആദരം വ്യക്തമാക്കാനായിരുന്നു ഇന്ത്യന് താരങ്ങളെല്ലാം അമ്മമാരുടെ പേരെഴുതിയ ജേഴ്സികള് ധരിച്ച് ഗ്രൗണ്ടിലിറങ്ങിയത്.
എന്നാല് ബാറ്റിംഗിനിറങ്ങിയപ്പോള് അമ്മ ദേവകിയുടെ പേരെഴുതിയ ജേഴ്സി ധരിച്ചിറങ്ങിയ ക്യാപ്റ്റന് ധോണി മാത്രം ഇന്ത്യ ഫീല്ഡ് ചെയ്യുമ്പോള് സ്വന്തം പേരെഴുതിയ ജേഴ്സി ധരിച്ചാണ് ഗ്രൗണ്ടിലിറങ്ങിയത്. ഇത് ആരാധകര്ക്കിടയില് ചര്ച്ചയാവുകയും ചെയ്തു. എന്നാല് ഇതാദ്യമായല്ല ധോണി ഇത്തരത്തില് ബാറ്റിംഗിലും ഫീല്ഡിംഗിലും വ്യത്യസ്ത ജേഴ്സികള് ഉപയോഗിക്കുന്നത്.
ബാറ്റ് ചെയ്യുമ്പുോള് ഹാഫ് സ്ലീവ് ജേഴ്സി ധരിച്ചാണ് ധോണി സാധാരണയായി ഇറങ്ങാറുള്ളത്. ഫീല്ഡ് ചെയ്യുമ്പോള് ഫുള് സ്ലീവ് ജേഴ്സിയും ധരിക്കും. ഇതാണ് ധോണിയുടെ ജേഴ്സി മാറ്റത്തിന് പിന്നിലെന്നാണ് വിശദീകരണം.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!