യുവരാജിന്‍റെ കല്ല്യാണത്തിന് പിതാവ് പങ്കെടുക്കില്ല

മകന്റെ ക്ഷണപ്രകാരമാണ് മെഹന്തി ചടങ്ങിൽ പങ്കെടുക്കാൻ തീരുമാനിച്ചതെന്നും യോഗരാജ് പറഞ്ഞു. വിവാഹത്തിനായി കോടികൾ ചിലവിട്ട് ആഡംബരം കാണിക്കുന്നതു ഒഴിവാക്കണം. യുവരാജിന്റെ അമ്മ ഷബ്നം ധനികയാണ്. വിവാഹം എങ്ങനെ നടത്തണമെന്നത് അവരുടെ താൽപര്യമനുസരിച്ചാണ്. 

എല്ലാകാര്യങ്ങളും ശ്രദ്ധയോടുകൂടി ചെയ്യണമെന്നും യോഗരാജ് പറഞ്ഞു. യുവരാജിന്റെ മാതാപിതാക്കൾ വർഷങ്ങളായി വേർപിരിഞ്ഞാണു കഴിയുന്നത്. 

നവംബർ 30നു പഞ്ചാബിലെ ഗുരുദ്വാരയിലാണു യുവരാജും ഹേസലും തമ്മിലുള്ള വിവാഹം. ഡിസംബർ രണ്ടിനു ഹിന്ദു ആചാരപ്രകാരം വിവാഹച്ചടങ്ങും അഞ്ചിന് ഡൽഹിയിൽ വധൂവരന്മാർ പങ്കെടുക്കുന്ന നൃത്തപരിപാടിയുമുണ്ട്.

 പ്രധാനമന്ത്രി നരേന്ദ്രമോദി അടക്കമുള്ളവരെ യുവരാജ് ക്ഷണിച്ചിരുന്നു. ബ്രിട്ടീഷ്–ഇന്ത്യൻ വംശജയായ ഹേസൽ ഏതാനും ഹിന്ദി സിനിമകളിലും പരസ്യങ്ങളിലും അഭിനയിച്ചിരുന്നു.