ഗൂഗിള് കൊലചെയ്ത 8 ഉപകരണങ്ങള്
Synopsis
പിക്സല് സ്മാര്ട്ട് ഫോണ്, വെര്ച്വല് റിയാലിറ്റിയില് അധിഷ്ഠിതമായ ഡേഡ്രീം അങ്ങനെ നിരവധി പുതിയ ഉല്പന്നങ്ങള് ഗൂഗിള് അവതരിപ്പിച്ച വര്ഷമാണ് 2016. എന്നാല് ഈ വര്ഷം ഗൂഗിള് സേവനവും വില്പനയും അവസാനിപ്പിച്ച ചില ഉല്പന്നങ്ങളുമുണ്ട്. അവ ഏതൊക്കെയാണെന്ന് നോക്കാം...
1, ഗൂഗിള് കംപയര്- ഓണ്ലൈന് ഷോപ്പിങ് ഇടപാടുകാരെ ലക്ഷ്യമിട്ട് ഗൂഗിള് അവതരിപ്പിച്ച കംപയര് എന്ന സംവിധാനം ഈ വര്ഷം മാര്ച്ചിലാണ് അടച്ചുപൂട്ടിയത്.
2, ഹാങ്ഔട്ട് ഓണ് എയര്- ഹാങ്ഔട്ടിന്റെ ലൈവ് സ്ട്രീമിങ് സര്വ്വീസ് ഒരു മാസം കൊണ്ടുതന്നെ പിന്വലിച്ചു. സെപ്റ്റംബറിലാണ് ഈ സേവനം അവസാനിപ്പിച്ചത്.
3, ഗൂഗിള് നെക്സസ്- പിക്സല് സ്മാര്ട്ട്ഫോണ് പുറത്തിറക്കിയതോടെ നെക്സസ് ബ്രാന്ഡ് ഗൂഗിള് പിന്വലിച്ചു. 2010ലാണ് നെക്സസ് സ്മാര്ട്ട്ഫോണ് പുറത്തിറക്കിയത്.
4, പികാസ- ഗൂഗിളിന്റെ ഫോട്ടോ സര്വ്വീസ് ഈ വര്ഷം മാര്ച്ചിലാണ് അവസാനിപ്പിച്ചത്. 2002ല് തുടങ്ങിയ പികാസ എന്ന കമ്പനിയെ 2004ലാണ് ഗൂഗിള് ഏറ്റെടുത്തത്.
5, പ്രോജക്ട് അര- ഗൂഗിളിന്റെ പ്രത്യേക സ്മാര്ട്ഫോണ് പദ്ധതിയായ പ്രോജക്ട് അര ഈ വര്ഷമാണ് അവസാനിപ്പിച്ചത്.
6, ക്രോം ആപ്പ്- മാക്, വിന്ഡോസ്, ലിനക്സ് എന്നിവയ്ക്കുവേണ്ടി ഗൂഗിള് പുറത്തിറക്കിയ ക്രോം ആപ്പ് അവസാനിപ്പിച്ചു. എന്നാല് അടുത്തവര്ഷം പകുതിയോടെ കൂടുതല് പ്രത്യേകതകളുമായി ക്രോം ആപ്പ് അവതരിപ്പിക്കുമെന്നാണ് ഗൂഗിള് പറയുന്നത്.
7, മൈ ട്രാക്ക്സ്- ഗൂഗിളിന്റെ ഫിറ്റ്നസ് ട്രാക്കിങ് ആപ്പ് ആയ മൈ ട്രാക്ക്സ് ഈ വര്ഷമാണ് പിന്വലിച്ചത്. 2009ല് തുടങ്ങിയ ആപ്പ് ആണിത്.
8, പനോരമിയോ- ലോക്കേഷന് സെന്ട്രിക് ഫോട്ടോ ഷെയറിങ് സേവനമാണിത്. 2007ല് ഗൂഗിള് ഏറ്റെടുത്ത പനോരമിയോ, ഗൂഗിള് എര്ത്ത്, ഗൂഗിള് മാപ്പ് സേവനങ്ങള്ക്കൊപ്പമാണ് ഉപയോഗിച്ചിരുന്നത്. എന്നാല് പനോരമിയോ ഈ വര്ഷം അവസാനിപ്പിക്കുകയായിരുന്നു.
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam