100 രൂപയ്ക്ക് 10 ജിബി ഡാറ്റയുമായി എയര്‍ടെല്‍

മുംബൈ: സൗജന്യ സേവനങ്ങൾ  തുടരുമെന്ന്​ റിലയൻസ്​ ജിയോ പ്രഖ്യാപിച്ചതിന്​ തൊട്ടുപിന്നാലെ വിപണിയിൽ പിടിച്ച്​ നിൽക്കാനുള്ള പുതു തന്ത്രങ്ങളുമായി മറ്റ്​ മൊബൈൽ കമ്പനികളും രംഗത്ത്. എയർടെല്ലാണ് പുതിയ ഓഫറുമായി ഇപ്പോൾ രംഗത്തെത്തിയിരിക്കുന്നത്​.​ 100 രൂപക്ക്​ ഒരു മാസത്തേക്ക്​ 10 ജിബി ഡാറ്റ നൽകുമെന്നാണ്​ എയർടെൽ അറിയിച്ചിരിക്കുന്നത്​.

എയർടെല്ലി​ന്‍റെ പോസ്​റ്റ്​പെയ്​ഡ്​​ ഉപഭോക്​താകൾക്കാണ്​ ഈ ഓഫർ ലഭിക്കുക. നിലവിൽ  500 രൂപക്ക്​ 3 ജിബി ഡാറ്റയാണ്​ എയർടെൽ നൽകുന്നത്​. ഇതിനൊപ്പം 100 രൂപ കൂടി നൽകിയാൽ 13 ജിബി ഡാറ്റ ലഭിക്കും.

303 രൂപക്ക്​ 30 ജിബി ഡാറ്റയാണ്​ ജിയോ നൽകുന്നത്​. ​ഈ ഓഫർ പ്രകാരം കോളുകളും മെസേജുകളും പരിപൂർണ സൗജന്യമാണ്​. കഴിഞ്ഞ വർഷം സെപ്​തംബറിലായിരുന്നു ജിയോ പൂര്‍ണമായും സൗജന്യ സേവനങ്ങളായി ജിയോ ഇന്ത്യയിൽ സേവനമാരംഭിച്ചത്​.  ഈ വർഷം മാർച്ചിൽ സൗജന്യ സേവനം അവസാനിക്കാനിരിക്കെയാണ്​ പുതിയ ഓഫർ ജിയോ പ്രഖ്യാപിച്ചത്​. ജിയോയുടെ പുതിയ പ്രഖ്യാപനത്തിനു പിന്നാലെ എയര്‍ടെല്‍ ഉള്‍പ്പെടെയുള്ള പ്രമുഖ മൊബൈല്‍ സേവനദാതാക്കളുടെയെല്ലാം ഓഹരി വിപണി തകര്‍ന്നടിഞ്ഞിരുന്നു.