​ഐ ഫോൺ 8നായുള്ള കാത്തിരിപ്പ്​ നീളും

ആരാധകർ കാത്തിരിക്കുന്ന ​ഐ ഫോൺ 8 വിപണിയിൽ എത്താൻ താമസിക്കുമെന്ന്​ റിപ്പോർട്ടുകൾ. അടുത്തവാരം പുറത്തിറക്കാനിരിക്കെ ​ഐ ഫോൺ 8​ൻ്റെ ഉൽപ്പാദനത്തിലുണ്ടായ തടസങ്ങളാണ്​ ഫോണിന്‍റെ ഷിപ്പിംഗില്‍ പ്രതിസന്ധി സൃഷ്ടിക്കുന്നത് എന്നാണ് റിപ്പോര്‍ട്ടുകള്‍.

ഇത്​ വിപണിയിൽ ഫോണിൻ്റെ ദൗര്‍ലഭ്യം ലോഞ്ചിംഗിന് ശേഷം​ ഇടയാക്കുമെന്നാണ്​ കരുതുന്നത്​. പുറത്തിറക്കലിന് ശേഷം ഫോണ്‍ വിപണിയിലെത്തുന്നത്​ ഒരു മാസം വരെ വൈകാൻ ഇത്​ ഇടയാക്കുമെന്നാണ്​ കരുതുന്നത്​. ​ഫോണിൽ ഉപയോഗിക്കുന്ന പുതിയ ഒ.എൽ.ഇ.ഡി സ്​ക്രീൻ ഉത്പദനം ആവശ്യത്തിന് അനുസരിച്ച് നടക്കുന്നില്ല എന്നതാണ് ഫോണ്‍ ഉത്പാദനത്തില്‍ പ്രതിസന്ധി സൃഷ്ടിക്കുന്നത് എന്ന് വാള്‍സ്ട്രീറ്റ് ജേര്‍ണല്‍ റിപ്പോര്‍ട്ട് ചെയ്യുന്നു.

ഒഎല്‍ഇഡി സ്ക്രീനുകള്‍ ഇപ്പോള്‍ തന്നെ ഉപയോഗിക്കുന്ന സാംസങ്ങില്‍ നിന്നും​ വ്യത്യസ്​തമായ രീതിയിലുള്ള ഒ.എൽ.ഇ.ഡി സ്​ക്രീൻ ആണ്​ ​ഐ ഫോണിന്​ വേണ്ടി തയാറാക്കുന്നത്​. എന്നാല്‍ ഒഎല്‍ഇഡി നിര്‍മ്മാണത്തില്‍ സാങ്കേതിക സഹായത്തിനായി സാംസങ്ങിനെ ​ ആപ്പിൾ ആശ്രയിക്കുന്നുണ്ട്​. 

അതേസമയം ​ടച്ച്​ ​ഐ.ഡിയാണ്​ ഫോണിനായി ഉപയോഗിക്കാനിരുന്ന​തെന്നും ഇത്​ വിജയകരമാകാത്തതു കാരണം ഉപേക്ഷിച്ചതാണ്​ ഫോൺ വൈകാൻ ഇടയാക്കിയതെന്നും റിപ്പോർട്ടുകളുണ്ട്​. നിർമാണ പദ്ധതികളിൽ വരുത്തിയ മാറ്റങ്ങൾ മൊത്തത്തിൽ വൈകുന്നതിന് ഇത്​ ഇടയാക്കി. ടച്ച്​ ​ഐ.ഡിക്ക്​ പകരം മുഖം സ്​കാൻ ചെയ്​ത്​ ഫോൺ അൺലോക്കിങ്​ സംവിധാനമാണ്​ കൊണ്ടുവരുന്നതെന്നാണ്​ പുറത്തുവന്ന റിപ്പോർട്ടുകൾ.