
തിരുവനന്തപുരം: സാധാരണക്കാർക്കും 4 ജി സൗകര്യമൊരുക്കി ബിഎസ്എൻഎല്ലും മൈക്രോമാക്സും പുതിയ ഫോണും പ്ലാനും അവതരിപ്പിച്ചു. ബിഎസ്എൻഎല്ലും മൈക്രോമാക്സും സംയുക്തമായി നടപ്പിലാക്കുന്ന ഭാരത് 1 പദ്ധതിയുടെ ഭാഗമായി പുറത്തിറക്കിയ മൈക്രോമാക്സ് 4 ജി ഫോൺ മൈക്രോമാക്സ് കേരള സർക്കിൾ മേധാവി രൻജിത്ത് തോമസ് ബിഎസ്എൻഎൽ ചീഫ് ജനറൽ മാനേജർ ഡോ. പി.റ്റി മാത്യുവിന് നൽകി പുറത്തിറക്കി.
ഈ ഫോണിൽ ബിഎസ്എൻഎല്ലിന്റെ പ്രത്യേക പ്ലാൻ 97 രൂപ റീചാർജ് ചെയ്താൽ 365 ദിവസം വാലിഡിറ്റി ലഭിക്കും. കൂടാതെ മാസം 97 രൂപക്ക് റീചാർജ് ചെയ്താൽ 28 ദിവസത്തേക്ക് രാജ്യവ്യാപകമായി സൗജന്യ കോളും ചെയ്യാനാകും. അൺലിമിറ്റഡ് ഡേറ്റയും ലഭിക്കും ( 5 ജിബിക്ക് ശേഷം സ്പീഡ് 80 കെബിപിഎസ് 10 എസ്എംഎസും സൗജന്യമായിരിക്കും)
ബിഎസ്എൻഎൽ ആസ്ഥാനത്ത് നടന്ന ചടങ്ങിൽ ജനറൽ മാനേജർ ഡോ.എസ്.ജ്യോതി ശങ്കർ, സീനിയർ ജനറൽ മാനേജർ ഐ.തിരുനാവുക്കറസു, ജനറൽ മാനേജർ എൻ.കെ.സുകുമാരൻ പങ്കെടുത്തു.
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam