ഇതുവരെ റെയ്ഞ്ചില്ലാതിരുന്ന ഗ്രാമങ്ങളില് കുതിച്ച് ബിഎസ്എന്എല് 4ജി വിന്യാസം; മാന്ത്രിക സംഖ്യ പിന്നിട്ടു
Synopsis
മൊബൈല് നെറ്റ്വര്ക്കില്ലാത്ത ഗ്രാമപ്രദേശങ്ങള് എന്ന ന്യൂനത ബിഎസ്എന്എല് പരിഹരിക്കുന്നു, ഇതുവരെ റെയ്ഞ്ച് ഇല്ലാതിരുന്ന ഗ്രാമങ്ങളില് 4ജി എത്തിച്ച് ബിഎസ്എന്എല്
ദില്ലി: രാജ്യത്തെ 4ജി വിന്യാസത്തിന്റെ ഏറ്റവും പുതിയ വിവരങ്ങള് പുറത്തുവിട്ട് പൊതുമേഖല ടെലികോം ഓപ്പറേറ്റര്മാരായ ബിഎസ്എന്എല്. ഇതുവരെ നെറ്റ്വര്ക്ക് സൗകര്യം ലഭ്യമല്ലാതിരുന്ന ഗ്രാമങ്ങളില് പതിനായിരത്തിലധികം 4ജി സൈറ്റുകള് പ്രവര്ത്തനക്ഷമമാക്കാന് കമ്പനിക്കായി എന്നാണ് ബിഎസ്എന്എല്ലിന്റെ ഏറ്റവും പുതിയ അറിയിപ്പ്.
ഗ്രാമപ്രദേശങ്ങള്ക്ക് ഏറെ പ്രാധാന്യം നല്കി ബിഎസ്എന്എല് 4ജി വിന്യാസവുമായി മുന്നോട്ടുപോകുകയാണ്. രാജ്യത്തെ അതിര്ത്തിപ്രദേശങ്ങളിലടക്കമുള്ള ഗ്രാമങ്ങളില് പതിനായിരത്തിലധികം 4ജി സൈറ്റുകള് ബിഎസ്എന്എല് കമ്മീഷന് ചെയ്തു. ഇതുവരെ നെറ്റ്വര്ക്ക് ലഭ്യമല്ലാതിരുന്ന ഗ്രാമങ്ങളിലാണ് ബിഎസ്എന്എല്ലിന്റെ ഈ കുതിപ്പ് എന്നത് ശ്രദ്ധേയമാണ്. തദ്ദേശീയമായി വികസിപ്പിച്ച 4ജി സാങ്കേതികവിദ്യ ഉപയോഗിച്ച് ഗ്രാമങ്ങളില് 10,000+ 4ജി സൈറ്റുകള് കമ്മീഷന് ചെയ്തു എന്നാണ് ബിഎസ്എന്എല്ലിന്റെ ട്വീറ്റ്. ഗ്രാമപ്രദേശങ്ങളിലെ ദശലക്ഷക്കണക്കിന് മനുഷ്യര് മൊബൈല് നെറ്റ്വര്ക്കില്ലാതെ നാളിതുവരെ കഴിഞ്ഞയിടങ്ങളിലാണ് ബിഎസ്എന്എല് ഈ നേട്ടം സ്വന്തമാക്കിയിരിക്കുന്നത് എന്നും ട്വീറ്റിലുണ്ട്.
രാജ്യത്ത് ഒരു ലക്ഷം 4ജി ടവറുകള് എന്ന ലക്ഷ്യത്തിലേക്ക് ബിഎസ്എന്എല് അടുക്കുകയാണ്. ജൂണ് മാസത്തോടെ ഈ ലക്ഷ്യം ഭാരത് സഞ്ചാര് നിഗം ലിമിറ്റഡ് പൂര്ത്തിയാക്കും. ഇതിന് ശേഷം 5ജി സ്ഥാപനവും ബിഎസ്എന്എല് ആരംഭിക്കും. കേരളത്തിലും ബിഎസ്എന്എല് 4ജി വിന്യാസം അന്തിമ ഘട്ടത്തിലാണ് എന്നാണ് റിപ്പോര്ട്ട്.
Read more: കോള്, നെറ്റ് പ്രശ്നം ഉടന് അവസാനിക്കും; ബിഎസ്എൻഎൽ ഉപഭോക്താക്കള്ക്ക് സന്തോഷ വാര്ത്ത
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam