ഗുഗിളിന്റെ പിക്സല് 2, പിക്സല് 2 എക്സ് എല് ഫോണുകള് പ്രഖ്യാപിച്ചു
Synopsis
ഗൂഗിളിന്റെ സ്മാര്ട് ഫോണ് ബ്രാന്ഡായ പിക്സലിന്റെ പുതിയ പതിപ്പുകള് പ്രഖ്യാപിച്ചു. സ്മാര്ട്ടര് ക്യാമറ, സ്റ്റീരിയോ സ്പീക്കറുകള് എന്നിവയാണ് പിക്സല് 2, പിക്സല് 2 എക്സ് എല് ഫോണുകളുടെ പ്രത്യേകത. അമേരിക്കയില് പുറത്തിറക്കുന്ന ദിവസം തന്നെ ഈ ഫോണുകള് ഇന്ത്യയിലും ലഭ്യമാകും. ഇന്ത്യയില് ഈ ഫോണുകള്ക്ക് 61000 രൂപ മുതലായിരിക്കും വില. പിക്സല് 264 ജിബി മോഡലിന് 61000 രൂപയും 128 ജിബി മോഡലിന് 70000 രൂപയുമായിരിക്കും വില. പിക്സല് 2 എക്സ് എല് 64 ജിബി മോഡലിന് 73000 രൂപയും 128 ജിബി മോഡലിന് 83000 രൂപയുമായിരിക്കും വില. ഒക്ടോബര് 26 മുതല് പ്രീ-ഓര്ഡര് ചെയ്യാനാകുമെന്ന് പ്രതീക്ഷിക്കുന്ന പിക്സല് ഫോണുകള് നവംബര് ഒന്നു മുതല് വില്പന ആരംഭിക്കുമെന്നും സൂചനയുണ്ട്. പിക്സല് 2 എക്സ് എല് നവംബര് 15 മുതല് ആയിരിക്കും ലഭ്യമാകുകയെന്നാണ് റിപ്പോര്ട്ട്. ഓണ്ലൈനില് ഫ്ലിപ്കാര്ട്ടില് ആയിരിക്കും പിക്സല് ഫോണുകള് ലഭ്യമാകുക. അമേരിക്കയില് പിക്സല് 2ന് 649 ഡോളറും പിക്സല് 2 എക്സ് എലിന് 849 ഡോളറുമായിരിക്കും വില.
- 6 ഇഞ്ച് സ്ക്രീന്(പിക്സല് 2 എക്സ് എല്), 5 ഇഞ്ച് സ്ക്രീന്(പിക്സല് 2)
- വാട്ടര് പ്രൂഫ് രൂപകല്പനയോട് കൂടിയ മെറ്റല്-ഗ്ലാസ് ബോഡി,
- ഐഫോണ് എട്ട് പ്ലസിനേക്കാള് ദൃശ്യമികവോടുകൂടിയ 12.2 എം പി ക്യാമറ,
- ക്വാല്കോം സ്നാപ്ഡ്രാഗണ് 835 പ്രോസസര്,
- 4 ജിബി റാം,
- 2700 എംഎഎച്ച്(പിക്സല് 2)- 3520 എംഎഎച്ച്(പിക്സല് 2 എക്സ് എല്) ബാറ്ററി,
- സാധാരണ സിമ്മിനൊപ്പം ഇ-സിം ഉപയോഗിക്കാനാകും,
- ഗൂഗിളിന്റെ ഏറ്റവും പുതിയ ഒ എസായ ആന്ഡ്രോയ്ഡ് ഒറിയോയിലാകും പുതിയ പിക്സല് ഫോണുകള് റണ് ചെയ്യുക...
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam