അടുത്ത നാൽപത്തിയെട്ട് മണിക്കൂറിനുള്ളില്‍ ഇന്റർനെറ്റ് നിശ്ചലമാകും

ഇന്റർ‌നെറ്റ് കോർപറേഷൻ ഓഫ് അസൈൻഡ് നെയിംസ് ആന്റ് നമ്പേഴ്സ‌് ആണ് പ്രാധാന സെർവ്വറിലെ അറ്റകുറ്റപ്പണികൾ നടത്തുന്നത്. ക്രിപ്റ്റോ​ഗ്രാഫിക് കീ മാറ്റുകയാണ് ചെയ്യുന്നത്. സൈബർ അറ്റാക്കിനെ പ്രതിരോധിക്കാനാണ് ഇപ്രകാരം ചെയ്യുന്നത്. 

ദില്ലി: അടുത്ത നാൽപത്തിയെട്ട് മണിക്കൂറിനുള്ളിൽ ഇന്റർനെറ്റ് നിശ്ചലമാകും. അറ്റകുറ്റപ്പണികൾക്കായി പ്രധാന സർവ്വറുകൾ ഓഫാക്കുന്നതിന്റെ ഭാ​​ഗമായിട്ടാണ് ആ​ഗോളവ്യാപകമായി ഇന്റർനെറ്റ് സൗകര്യങ്ങൾ തടസ്സപ്പെടുന്നത്. പ്രധാന സെർവ്വറുകൾ ഓഫാക്കുന്നതിന്റെ ഭാ​ഗമായി അതിനോട് അനുബന്ധിച്ച ഇന്റർനെറ്റ് ഘടകങ്ങളും തടസ്സം നേരിടുമെന്ന് റഷ്യയിൽ നിന്നും റിപ്പോർട്ട് ചെയ്യുന്നു. ഇന്റർനെറ്റിന്റെ ഡൊമെയിൻ നെയിം സിസ്റ്റം അഥവാ അഡ്രസ് ബുക്ക് സം​രക്ഷിക്കുന്നതിന്റെ ഭാ​ഗമായിട്ടാണ് അറ്റകുറ്റപ്പണികൾ നടത്തുന്നത്. ഇന്റർ‌നെറ്റ് കോർപറേഷൻ ഓഫ് അസൈൻഡ് നെയിംസ് ആന്റ് നമ്പേഴ്സ‌് ആണ് പ്രാധാന സെർവ്വറിലെ അറ്റകുറ്റപ്പണികൾ നടത്തുന്നത്. ക്രിപ്റ്റോ​ഗ്രാഫിക് കീ മാറ്റുകയാണ് ചെയ്യുന്നത്. സൈബർ അറ്റാക്കിനെ പ്രതിരോധിക്കാനാണ് ഇപ്രകാരം ചെയ്യുന്നത്. 

സുരക്ഷിതവും സ്ഥിരവുമായ ഇന്റർനെറ്റ് ലഭ്യമാക്കുന്നതിനായി ആ​ഗോള ഇന്റർനെറ്റ് സംവിധാനം ഷട്ട് ഡൗൺ ചെയ്യണമെന്ന് കമ്യൂണിക്കേഷൻ റെ​ഗുലേറ്ററി അതോറിറ്റി പ്രസ്താവിക്കുന്നു. ഇന്റർനെറ്റ് സേവനദാതാക്കൾ ഈ മാറ്റത്തിനെ പിന്തുണച്ചില്ലെങ്കിൽ ആ​ഗോളതലത്തിലുള്ള ഇന്റർനെറ്റ് ഉപയോക്താക്കളെ പ്രതികൂലമായി ബാധിക്കും. വെബ് പേജുകൾ ലഭ്യമാകുന്ന കാര്യത്തിലും മറ്റ് ഇന്റർനെറ്റ് ഇടപാടുകൾ‌ നടത്തുന്ന കാര്യത്തിലും അടുത്ത നാൽപത്തിയെട്ട് മണിക്കൂറിനുള്ളിൽ തടസ്സമുണ്ടാകും.