സ്നാപ്ഡീല് ഫ്ളിപ്കാര്ട്ടില് ലയിക്കാന് ഒരുങ്ങുന്നായി റിപ്പോര്ട്ട്
Synopsis
മുംബൈ: രാജ്യത്തെ പ്രമുഖ ഇ-കൊമേഴ്സ് സ്ഥാപനമായ സ്നാപ്ഡീല് ഫ്ളിപ്കാര്ട്ടില് ലയിക്കാന് ഒരുങ്ങുന്നായി റിപ്പോര്ട്ട്. ഇ-കൊമേഴ്സ് മേഖലയില് രാജ്യത്ത് ഒന്നാം സ്ഥാനത്താണ് ഫ്ളിപ്കാര്ട്ട്. പ്രമുഖ ഇ-കൊമേഴ്സ് സ്ഥാപനങ്ങളുടെ ലയനത്തിനു പിന്നില് ജപ്പാന്റെ സോഫ്റ്റ്ബാങ്കാണ് എന്നാണ് സൂചനകള്.
ലയനത്തോടെ സോഫ്റ്റ്ബാങ്ക് 105 കോടി രൂപയുടെ നിക്ഷേപം നടത്തുമെന്നാണ് റിപ്പോര്ട്ടുകള്. അടുത്തമാസത്തോടെ ലയനത്തിനായുള്ള നീക്കങ്ങള് നടത്താന് സോഫ്റ്റ്ബാങ്ക് സമ്മര്ദ്ദം ചെലുത്തുന്നതായാണ് സൂചന.
രാജ്യത്തെ ഇ-കൊമേഴ്സ് മേഖലയില് ആമസോണില് നിന്ന് വന് മത്സരമാണ് ഫ്ളിപ്കാര്ട്ട് ഉള്പ്പെടെയുള്ള സ്ഥാപനങ്ങള് നേരിടുന്നത്. ഭൂരിപക്ഷവും ഇ-കൊമേഴ്സ് മേഖലയെ ആശ്രയിക്കാന് തുടങ്ങിയതോടെ കുതിപ്പിനായി വന്വിലക്കിഴിവ് നല്കിയതോടെ സ്ഥാപനങ്ങള് വന് നഷ്ടത്തിലേക്ക് കടന്നിരുന്നു. സോഫ്റ്റ് ബാങ്ക് നിക്ഷേപം നടത്തുന്നതോടെ 15 ശതമാനം ഓഹരികള് സോഫ്റ്റ്ബാങ്കിലേക്ക് എത്താനാണ് സാധ്യത.
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam ,New Gadgets, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും ഇവിടെ അറിയാം