വിന്‍ഡോസ് 7നും 8ഉം വിപണി വിടുന്നു

വിന്‍ഡോസ് 7, വിന്‍ഡോസ് 8 ഓപ്പറേറ്റിംഗ് സിസ്റ്റങ്ങളുടെ ഉത്പാദനം മൈക്രോസോഫ്റ്റ് പൂര്‍ണ്ണമായും നിര്‍ത്തി. മൈക്രോസോഫ്റ്റിന്‍റെ ലോകത്ത് ഏറ്റവും കൂടുതല്‍പേര്‍ ഉപയോഗിക്കുന്ന ഓപ്പറേറ്റിംഗ് സിസ്റ്റങ്ങളാണ് ഇവ. എന്നാല്‍ ഏറ്റവും വെറുക്കപ്പെട്ട ഒ.എസുകളും ഇവയാണെന്നാണ് വിപണി വിദഗ്ധരുടെ അഭിപ്രായം.

വിന്‍ഡോസ് 7, വിന്‍ഡോസ് 8 എന്നിവയുടെ വില്‍പ്പന നിര്‍ത്തുകയാണ്, ഇതോടെ ഈ വിന്‍ഡോസ് ഓപ്പറേറ്റിംഗ് സിസ്റ്റങ്ങള്‍ ഇനി റീട്ടെയിലര്‍മാര്‍ക്ക് ഷിപ്പിംഗ് ചെയ്യില്ല. ഒപ്പം തന്നെ ഒറിജിനല്‍ എക്യൂപ്മെന്‍റ് മാന്യുഫാക്ച്ചേര്‍സ് (ഒഇഎം)മാരും ഇത് വില്‍ക്കില്ലെന്ന് മൈക്രോസോഫ്റ്റ് പറയുന്നു. 

2009ലാണ് വിന്‍ഡോസ് 7 ഇറക്കിയത്. പിന്നീട് നാല് കൊല്ലം കഴിഞ്ഞാണ് വിന്‍ഡോസ് 8ഉം, വിന്‍ഡോസ് 8.1 ഉം ഇറക്കിയത്. വില്‍പ്പന നിര്‍ത്തും എങ്കിലും വിന്‍ഡോസ് 7ന്‍റെ ടെക്നിക്കല്‍ സപ്പോര്‍ട്ട് 2020വരെയും, വിന്‍ഡോസ് 8ന്‍റെ ടെക്നിക്കല്‍ സപ്പോര്‍ട്ട് 2023വരെയും തുടരും.