പാനസോണിക്ക് എലുഗ റേ 700 വിപണിയിലേക്ക്

ദില്ലി: പാനസോണികിന്‍റെ ​ ആദ്യ ഇരട്ട ക്യാമറ ഫോൺ വിപണിയിൽ. എലുഗറേ 500 എന്ന പേരിലാണ്​ ഫോൺ വിപണിയിൽ എത്തിയത്​. ഇതോടൊപ്പം എലുഗ റേ 700 എന്ന പേരിലുള്ള ഫോണും പാനസോണിക്​ പുറത്തിറക്കിയിട്ടുണ്ട്​. എലുഗ റേ 500ൽ  120 ഡിഗ്രി അൾട്രാവൈഡ്​ 8എംപി, 13 എം.പി ശേഷികളിലാണ്​ ഡ്യുവൽ ക്യാമറ. എലുഗ റേ 700ൽ 13 എം.പിയാണ്​ മുൻ, പിൻകാമറകളുടെ ശേഷി. റേ 500ന്​ 8999 രൂപയും റേ 700ന്​ 9999 രൂപയുമാണ്​ വില.

ഫ്ലിപ്പ്​കാർട്​ വഴി മാത്രമാണ്​ ഫോൺ ലഭിക്കുക. സെപ്​റ്റംബർ 24വരെ എസ്​.ബി.എ ക്രെഡിറ്റ്​/ ഡെബിറ്റ്​ കാർഡുകൾ ഉപയോഗിച്ച്​ വാങ്ങുന്നവർക്ക്​ പത്ത്​ ശതമാനം ഡിസ്​കൗണ്ട്​ ഒാഫറും പ്രഖ്യാപിച്ചിട്ടുണ്ട്​. 5 ഇഞ്ച്​ എച്ച്​.ഡി ഡിസ്​​പ്ലേയാണ്​ പാനസോണികി​ന്‍റെ ആദ്യ ഡ്യുവൽ ക്യാമറ ഫോണിന്​. 1.25 ജിഗഹെര്‍ട്സ്​ ക്വാഡ്​കോർ പ്രോസസറും 3 ജിബി റാമും ഫോണി​ന്‍റെ ​പ്രത്യേകതയാണ്​.

4000 എം.എ.എച്ച്​ ബാറ്ററി,  ​ഫ്രന്‍റ്​ ഫിംഗർപ്രിന്‍റ്​ സെൻസറും ​ഫോണി​ന്‍റെ സവിശേഷതകൾ ആണ്​. 5.5 ഇഞ്ച്​ ഡിസ്​​പ്ലേയാണ്​ എലുഗറേ 700ന്​. ​ ഗൊറില്ല ഗ്ലാസ്​ 3 ഫോണിന്​ കൂടുതൽ സുരക്ഷ ഉറപ്പുവരുത്തുന്നു. 5000 എം.എ.എച്ച്​ ബാറ്ററിയും ഫോണിനുണ്ട്​. 1.3 ജിഗഹെട്​സ്​ ഒക്​ടകോർ ​പ്രോസസർ, 3 ജി.ബി റാം എന്നിവയും ഫോണി​ന്‍റെ പ്രത്യേകതകളാണ്​.