ഈ നാല് ഗൂഗിൾ സെർച്ചുകൾ നിങ്ങളെ ജയിലിൽ ആക്കും; ഒരിക്കലും തിരയരുത്

ഗൂഗിളില്‍ കയറി എന്തും സെര്‍ച്ച് ചെയ്യാമെന്ന് നിങ്ങള്‍ കരുതണ്ടാ, ചില അപകടം പിടിച്ച സെര്‍ച്ചുകളുണ്ട്

ഗൂഗിളിൽ വിവരങ്ങൾക്കായി തിരയുന്നത് നമ്മുടെ ദൈനംദിന ജീവിതത്തില്‍ അവിഭാജ്യ ഘടകമായി മാറിയിരിക്കുന്നു. ജോലിയുടെ ഭാഗമായാലും ജിജ്ഞാസയുടെ പേരിലായാലും ഇന്ന് പലർക്കും ഏത് ചോദ്യത്തിനും 'ഗൂഗ്ലിംഗ്' പരിഹാരമായി മാറിയിട്ടുണ്ട്. ഈ സെർച്ച് എഞ്ചിനിൽ നിന്നും ഏതാണ്ട് എല്ലാ കാര്യങ്ങൾക്കും ഉത്തരങ്ങൾ കണ്ടെത്താൻ ഒരാൾക്ക് കഴിയുമെങ്കിലും, അത്യന്തം അപകടസാധ്യതയുള്ളതും നിങ്ങളെ ജയിലിൽ ആക്കിയേക്കാവുന്നതുമായ ചില സെര്‍ച്ചുകളുണ്ട്. നിങ്ങൾ ഒരിക്കലും ഗൂഗിളിൽ തിരയാൻ പാടില്ലാത്ത അപകടകരമായ നാല് കാര്യങ്ങൾ ഇതാ. 

ബോംബ് എങ്ങനെ നിർമ്മിക്കാം?

ബോംബ് നിർമ്മിക്കാനുള്ള വഴികൾ ഗൂഗിളിൽ തിരയുന്നത് ക്രിമിനൽ കുറ്റമാണ്. സുരക്ഷാ ഏജൻസികൾ ഇത്തരം പ്രവർത്തനങ്ങൾ സൂക്ഷ്മമായി നിരീക്ഷിക്കുന്നു. ബോംബ് നിർമ്മാണം അല്ലെങ്കിൽ ആയുധങ്ങൾ എന്നിവയുമായി ബന്ധപ്പെട്ട ഏത് ഗൂഗിൽ അന്വേഷണങ്ങളും കർശനമായി ഒഴിവാക്കണം. നിങ്ങളുടെ സെര്‍ച്ച് ഹിസ്റ്ററി സുരക്ഷാ ഏജൻസികളുടെ ശ്രദ്ധയിൽപ്പെട്ടാൽ, തടവ് ഉൾപ്പെടെയുള്ള നിയമപരമായ പ്രത്യാഘാതങ്ങൾ നിങ്ങളെ തേടിയെത്തും. .

കുട്ടികളുടെ അശ്ലീലദൃശ്യങ്ങൾ

കുട്ടികളും പ്രായപൂർത്തിയാകാത്തവരും ഉൾപ്പെടുന്ന അശ്ലീല ചിത്രങ്ങൾ തിരയുന്നതും ക്രിമിനൽ കുറ്റമാണ്. ഈ കുറ്റകൃത്യങ്ങൾ പരിഹരിക്കുന്നതിന് കർശനമായ നിയമങ്ങൾ നിലവിലുണ്ട്. പിടിക്കപ്പെടുന്ന ആർക്കും അഞ്ച് മുതൽ ഏഴ് വർഷം വരെ തടവ് ഉൾപ്പെടെയുള്ള കഠിനമായ ശിക്ഷകൾ നേരിടേണ്ടിവരും.

ഹാക്കിംഗ് ട്യൂട്ടോറിയലുകളും സോഫ്റ്റ്‌വെയറുകളും

ഗൂഗിളിൽ ഹാക്കിംഗ് ട്യൂട്ടോറിയലുകൾ അല്ലെങ്കിൽ ഹാക്കിംഗ് സോഫ്‌റ്റ്‌വെയർ തിരയുന്നത് നിങ്ങളെ പ്രശ്‌നത്തിലാക്കിയേക്കാം. ഹാക്ക് ചെയ്യാനുള്ള വഴികൾ തിരയാൻ ആരെങ്കിലും ഗൂഗിൾ ഉപയോഗിക്കുകയാണെങ്കിൽ, അത് ഗുരുതരമായ പ്രത്യാഘാതങ്ങൾ ഉണ്ടാക്കും. അത്തരം വ്യക്തികൾക്കെതിരെ അധികാരികൾക്ക് കർശനമായ നടപടിയെടുക്കാം. ഇത് ഉറപ്പായും നിങ്ങളെ ജയിലിൽ എത്തിക്കും.

പൈറേറ്റഡ് സിനിമകൾ

പലരും ഗൂഗിൾ വഴി സിനിമകൾ കാണാനും ഡൗണ്‍ലോഡ് ചെയ്യാനും ശ്രമിക്കാറുണ്ട്. എന്നാല്‍ സിനിമ പൈറസിയിൽ ഏർപ്പെടുന്നതും, എന്തിന് അത് തിരയുന്നതുപോലും ശിക്ഷാർഹമായ കുറ്റമാണ്. പിടിക്കപ്പെട്ടാൽ ഒരാൾക്ക് കുറഞ്ഞത് മൂന്ന് വർഷം തടവും 10 ലക്ഷം രൂപ വരെ പിഴയും ലഭിക്കും.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം