മദ്യം നിരോധിച്ചാൽ എന്ത്‌ സംഭവിക്കും ; ലഹരി പിടിപ്പിച്ച് ട്വിറ്ററിന്‍റെ ഹാഷ് ടാഗ്

രാജ്യമാകെ മദ്യനിരോധനം കൊണ്ടുവന്നാൽ എന്താകും അവസ്​ഥ? ഇത്തരമൊരു നിർദേശം ബീഹാർ മുഖ്യമന്ത്രി നിധീഷ്​ കുമാർ മുന്നോട്ടുവെച്ചപ്പോൾ ട്വിറ്റർ ഇതെക്കുറിച്ച്​ പ്രതികരണമാരാഞ്ഞു. ഒരേസമയം ചിരിയും ചിന്തയുമുണർത്തുന്ന പ്രതികരണങ്ങളാണ്​ ട്വിറ്ററിൽ നിറഞ്ഞത്​. ആൽക്കഹോൾ നിരോധിച്ചാൽ എന്ന ഹാഷ്​ ടാഗോടെയായിരുന്നു രാജ്യത്തി​ന്‍റെ ഭാവി പ്രവചിക്കാൻ ട്വിറ്റർ വഴി തുറന്നുവെച്ചത്​. മണിക്കൂറുകൾക്കകം ഹാഷ്​ടാഗ്​ ​സാമൂഹിക മാധ്യമങ്ങളിൽ ഹിറ്റായി മാറി.

അത്തരം ചില ട്വീറ്റുകൾ ഇങ്ങനെ വായിക്കാം: മദ്യം നിരോധിച്ചാൽ പഞ്ചാബികൾ വിവാഹം  വേണ്ടെന്നുവെക്കുമെന്നായിരുന്നു ഒരാളുടെ പ്രതികരണം. ഇന്ത്യൻ വിവാഹങ്ങളെ വലിയ തോതിൽ മദ്യനിരോധനം ബാധിക്കുമെന്നാണ്​ പലരും ട്വീറ്റ്​ ചെയ്​തത്​. ഇന്ത്യൻ വിവാഹങ്ങളിലെ നൃത്തം ഇല്ലാതായി പോകുമെന്നാണ്​ മറ്റൊരു ട്വീറ്റ്​. മാസാദ്യത്തിൽ അക്കൗണ്ടിൽ ശമ്പളം വരുമ്പോള്‍ കപ്പലണ്ടി മാത്രം പോംവഴിയായി മാറുമെന്നാണ്​ മറ്റൊരാളുടെ ട്വീറ്റ്​.

കിൻലി സോഡ തനിച്ചായി പോകുമെന്ന്​ അജിത്​ എന്നയാൾ പ്രതികരിച്ചപ്പോൾ പോപ്പ്​ ഗായകൻ ഹണി സിങ്​ മതാത്മകമായുള്ള ബഹ്​ജാൻ പാട്ടുകൾ പാടുമെന്നു രവീന്ദ്ര ജഡേജയും  ട്വീറ്റ്​ ചെയ്​തു.  ഹണിസിങിനും ബാദുഷാക്കും വരികൾ ഇല്ലാതാകുമെന്നായിരുന്നു ചന്ദലേറി​ന്‍റെ പ്രതികരണം. മദ്യം നിരോധിച്ചാൽ ഗോവ വിരസമായ മൂന്നക്ഷരമായി മാറുമെന്ന നിരീക്ഷണമാണ്​ ഒരാൾ നടത്തിയത്​.

എന്നാൽ കുറ്റകൃത്യം കുറയും, സ്​ത്രീകൾ സുരക്ഷിതർ, ഗ്രാമങ്ങൾ സാമ്പത്തികമായി അഭിവൃദ്ധിപ്പെടും,കുടുംബത്തിലും സമൂഹത്തിലും സന്തോഷം വരുമെന്നുമാണ്​ റാഷ്​മിൻ എന്നയാൾ പ്രതികരിച്ചത്​.