ഒരു രൂപയ്ക്ക് നിങ്ങള്‍ക്കും ഷവോമി ഫോണ്‍ സ്വന്തമാക്കാം

ദില്ലി: 250 രൂപയുടെ സ്മാര്‍ട്ട്ഫോണ്‍ എന്നത് വളരെ ചര്‍ച്ചയായ ഒരു വിഷയമാണ്. എന്നാല്‍ ഇതാ ഒരു രൂപയ്ക്ക് ഒരു സ്മാര്‍ട്ട്ഫോണ്‍, വല്ല തട്ടിക്കൂട്ട് കമ്പനി ഒന്നുമല്ല ഈ വാഗ്ദാനം നല്‍കുന്നത്.ചൈനീസ് സ്മാര്‍ട്ട്ഫോണ്‍ നിര്‍മ്മാതാക്കളായ ഷവോമിയാണ് വമ്പന്‍ ഓഫറുകളുമായി രംഗത്ത്. 

ഇന്ത്യന്‍ വിപണിയില്‍ രണ്ടാം വര്‍ഷം പൂര്‍ത്തിയാക്കുന്ന ഷവോമി ഫ്‌ളാഷ് ഡീലിലൂടെ വെറും ഒരു രൂപയ്ക്ക് ഫോണ്‍ സ്വന്തമാക്കാനുള്ള അവസരമാണ് ഒരുക്കുന്നത്. ജൂലൈ 20 മുതല്‍ 22 വരെയാണ് ഷവോമിയുടെ ഈ പ്രത്യേക ഓഫര്‍. ഷവോമിയുടെ പുതിയ ഓഫര്‍ ഫേസ്ബുക്കില്‍ ഷെയര്‍ ചെയ്യുന്നതിലൂടെ ആര്‍ക്കും ഈ ഡീലില്‍ പങ്കെടുക്കാം. 

എല്ലാ ദിവസവും ഉച്ചയ്ക്ക് രണ്ടു മണിയ്ക്കാണ് മത്സരം നടക്കുന്നത്. ഫ്‌ളാഷ് സെയിലിലൂടെ ആദ്യത്തെ ദിവസം ഷവോമി എം ഐ 5, രണ്ടാം ദിവസം ഷവോമി റെഡ്മി നോട്ട് 3, അവസാന ദിവസം ഷവോമി എം ഐ മാക്‌സ് എന്നിവയാണ് നേടാന്‍ കഴിയുക.2014ലാണ് ചൈനീസ് സ്മാര്‍ട്ട് ഫോണ്‍ നിര്‍മ്മാതാക്കളായ ഷവോമി ഇന്ത്യന്‍ വിപണിയിലെത്തിയത്.