പെപ്പെയ്ക്കൊപ്പം ഐ എം വിജയന്; 'ആനപ്പറമ്പിലെ വേള്ഡ്കപ്പ്' ടീസര്
Synopsis
ഫാന്റസി സ്പോര്ട്സ് ഡ്രാമ വിഭാഗത്തില് പെടുന്ന ചിത്രം
ആന്റണി വര്ഗീസിനെ (Antony Varghese) നായകനാക്കി നവാഗതനായ നിഖില് പ്രേംരാജ് (Nikhil Premraj) രചനയും സംവിധാനവും നിര്വ്വഹിക്കുന്ന 'ആനപ്പറമ്പിലെ വേള്ഡ്കപ്പി'ന്റെ (Aanaparambile World Cup) ടീസര് പുറത്തെത്തി. ഫുട്ബോള് പശ്ചാത്തലമാക്കിയുള്ള ഒരു ഫീല് ഗുഡ് എന്റര്ടെയ്നര് ആയിരിക്കും ചിത്രമെന്ന് ടീസര് പറയുന്നു. ഫാന്റസി സ്പോര്ട്സ് ഡ്രാമയെന്നാണ് അണിയറക്കാര് ചിത്രത്തെ വിശേഷിപ്പിച്ചിരിക്കുന്നത്.
ഫുട്ബോള് വേള്ഡ്കപ്പിനെ വരവേല്ക്കാന് ഒരുങ്ങിയിരിക്കുന്ന ഉത്തരകേരളത്തിലെ ഒരു ഗ്രാമമാണ് കഥാപശ്ചാത്തലം. കടുത്ത ഫുട്ബോള് പ്രേമിയായ ഒന്പത് വയസ്സുകാരന്റെ ജീവിതത്തിലേക്ക് ഒരു അപ്രതീക്ഷിത അതിഥി കടന്നുവരുന്നതും തുടര്ന്ന് അവന്റെ ജീവിതത്തിലുണ്ടാവുന്ന മാറ്റങ്ങളുമാണ് ചിത്രത്തിന്റെ പ്ലോട്ട്. ടി ജി രവി, ബാലു വര്ഗീസ്, ലുക്മാന്, ഐ എം വിജയന്, ആദില് ഇബ്രാഹിം, നിഷാന്ത് സാഗര്, ജോപോള് അഞ്ചേരി, ആസിഫ് സഹീര്, അര്ച്ചന വാസുദേവ്, ജെയ്സ് ജോസ്, ദിനേശ് മോഹന്, ഡാനിഷ്, അമല്, ബാസിത്ത്, ശിവപ്രസാദ്, റിത്വിക്, കാശിനാഥ്, ഇമ്മാനുവല് തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു.
അച്ചാപ്പു മൂവി മാജിക്, മാസ് മേഡിയ പ്രൊഡക്ഷന് എന്നീ ബാനറുകളില് ഫൈസല് ലത്തീഫ്, സ്റ്റാന്ലി സി എസ് എന്നിവരാണ് നിര്മ്മാണം. ഛായാഗ്രഹണം ഫായിസ് സിദ്ദിഖ്, സംഗീതവും പശ്ചാത്തല സംഗീതവും ജേക്സ് ബിജോയ്, എഡിറ്റിംഗ് നൗഫല് അബ്ദുള്ള, ജിത്ത് ജോഷി, പ്രൊഡക്ഷന് കണ്ട്രോളര് ബാദുഷ, പ്രൊഡക്റ്റ് ഡിസൈനര് അനൂട്ടന് വര്ഗീസ്, വസ്ത്രാലങ്കാരം അരുണ് മനോഹര്, മേക്കപ്പ് ജിത്തു പയ്യന്നൂര്, ചീഫ് അസോസിയേറ്റ് ഡയറക്ടര് പ്രേംനാഥ്.
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam