ഇവിടെ നിന്നുള്ള കാഴ്ചകളോട് പ്രണയം, ശാന്തം സമാധാനം, 31-ാം നിലയിലെ ജീവിതം, അനുഭവം പങ്കുവച്ച് യുവതി

Published : Aug 13, 2026, 01:10 PM IST
viral video

Synopsis

പ്രത്യേകിച്ച് രാത്രികാലങ്ങളിലെ നഗരത്തിൻ്റെ കാഴ്ചകൾ അവിശ്വസനീയമാണ്, താൻ ആ കാഴ്ചയോട് പൂർണമായും അഡിക്ടഡ് ആയിരുന്നു. എന്നാൽ ഇപ്പോൾ ഈ വീട് ഒഴിഞ്ഞുപോകുമ്പോൾ തനിക്ക് വലിയ വിഷമമുണ്ട്, ഈ സ്ഥലവുമായി വൈകാരികമായി അടുത്തിരിക്കുന്നു.

നഗരത്തിൻ്റെ തിരക്കുകളിൽ നിന്ന് മാറി, ഒരു ഉയർന്ന കെട്ടിടത്തിന്റെ മുപ്പത്തിയൊന്നാം നിലയിൽ താമസിച്ചാലെങ്ങനെയിരിക്കും? അതിന്റെ അനുഭവങ്ങളാണ് ഫൽഗുണി ഗുപ്ത എന്ന യുവതി ഇൻസ്റ്റാഗ്രാമിൽ പങ്കുവയ്ക്കുന്നത്. വിശാലമായ നഗരക്കാഴ്ചകളും ശാന്തമായ ചുറ്റുപാടുകളും വർക്ക് ഫ്രം ഹോമും ഈ വീടിനോട് വലിയ അടുപ്പമുണ്ടാക്കിയെന്ന് ഫൽഗുണി പറയുന്നു. ‘എന്തുകൊണ്ടാണ് ഞാൻ 31-ാം നില തിരഞ്ഞെടുത്തത്? നഗരത്തിന്റെ രാത്രിവെളിച്ചങ്ങൾ മുകളിൽ നിന്ന് കാണണം, മേഘങ്ങളെ തൊട്ടറിയണം, ആ മനോഹരമായ ഹൈ-റൈസ് വ്യൂ അനുഭവിക്കണം എന്നതായിരുന്നു എന്റെ ആഗ്രഹം. അതിനാൽ വ്യൂവിനോടുള്ള ഇഷ്ടം കൊണ്ട് മാത്രമാണ് ഞാൻ ഈ വീട് വാടകയ്ക്ക് എടുത്തത്‘ ഫൽഗുണി വീഡിയോയിൽ പറയുന്നു.

പ്രത്യേകിച്ച് രാത്രികാലങ്ങളിലെ നഗരത്തിൻ്റെ കാഴ്ചകൾ അവിശ്വസനീയമാണ്, താൻ ആ കാഴ്ചയോട് പൂർണമായും അഡിക്ടഡ് ആയിരുന്നു. എന്നാൽ ഇപ്പോൾ ഈ വീട് ഒഴിഞ്ഞുപോകുമ്പോൾ തനിക്ക് വലിയ വിഷമമുണ്ട്, ഈ സ്ഥലവുമായി വൈകാരികമായി അടുത്തിരിക്കുന്നുവെന്നും അവർ വ്യക്തമാക്കി. വർക്ക് ഫ്രം ഹോം ദിവസങ്ങളിൽ ബാൽക്കണിയിലിരുന്ന് ജോലി ചെയ്ത ആ സുന്ദര നിമിഷങ്ങളാകും താൻ ഏറ്റവും കൂടുതൽ മിസ് ചെയ്യുകയെന്നും ഫൽഗുണി പറഞ്ഞു. ‘തണുത്ത കാറ്റും മഴയുമൊക്കെയായി, ബാൽക്കണിയിലിരുന്ന് മീറ്റിംഗുകൾ അറ്റൻഡ് ചെയ്യുന്നതും ചായ കുടിക്കുന്നതുമെല്ലാം വല്ലാത്തൊരു സമാധാനമാണ് നൽകുന്നത്‘ എന്നാണവൾ പറയുന്നത്.

താഴെ തെരുവുകളിലെ വാഹനങ്ങളുടെ ശബ്ദങ്ങളോ ബഹളങ്ങളോ ഒന്നും ഈ ഉയരത്തിലേക്ക് എത്തുന്നില്ല എന്നതാണ് മറ്റൊരു പ്രധാന നേട്ടമെന്ന് ഫൽഗുണി ചൂണ്ടിക്കാണിക്കുന്നു. യാതൊരുവിധ അസ്വസ്ഥതകളുമില്ലാതെ തികച്ചും ശാന്തമായ അന്തരീക്ഷത്തിൽ ജീവിക്കാനാകുമെന്നും, ഹൈ-റൈസ് ജീവിതത്തിന്റെ ആവേശം എന്താണെന്ന് താൻ ഇപ്പോൾ തിരിച്ചറിയുന്നുവെന്നും അവർ പറഞ്ഞു. ‘നഗരത്തിന് 31 നിലകൾ മുകളിൽ... എങ്കിലും സമാധാനത്തോട് കുറച്ചുകൂടി അടുത്തു‘ എന്ന ക്യാപ്ഷനോടെയാണ് ഫൽഗുണി ഈ വീഡിയോ പങ്കുവെച്ചിരിക്കുന്നത്.

നിരവധിപ്പേരാണ് വീിഡയോയ്ക്ക് കമന്റ് നൽകിയത്. യുവതിക്ക് ഇഷ്ടപ്പെടാൻ മാത്രം മനോഹരം തന്നെയാണ് ഈ 31 -ാം നിലയും അവിടെ നിന്നുള്ള വ്യൂവും എന്നാണ് പലരും അഭിപ്രായപ്പെട്ടത്. ഒഴിഞ്ഞുപോകുന്നതില്‍ വിഷമനിക്കേണ്ടെന്നും ഇതുപോലെ ഇഷ്ടപ്പെടുന്നൊരു വീട് ഇനിയും കിട്ടുമെന്നും ആളുകള്‍ അഭിപ്രായപ്പെട്ടു.

PREV
Read more Articles on
click me!

Recommended Stories

ഇന്ത്യയിലെത്തി മൂന്നാം ദിവസം, അപരിചിതർക്കൊപ്പം പിറന്നാൾ ആഘോഷം; വിഡിയോ വൈറൽ
'ജീവനക്കാരോട് സ്നേഹവും ദയയും കാണിച്ചു, ഒടുവിൽ എല്ലാവരും ജോലി ഉപേക്ഷിച്ചു പോയി'; കഫേ ഉടമ