'ക്ഷേത്രം ശരിക്കും നല്ലതാണ്, പക്ഷേ...': രാമക്ഷേത്ര ദർശനത്തിനെത്തിയ കുഞ്ഞ് ജർമ്മൻ വിശ്വാസി, വീഡിയോ വൈറൽ

അയോദ്ധ്യ രാമക്ഷേത്ര സന്ദർശനത്തിനെത്തിയ ആഞ്ജനേയൻ എന്ന ജർമ്മൻ ബാലൻ തന്‍റെ അനുഭവങ്ങൾ പങ്കുവെച്ചതിന്‍റെ വീഡിയോ സമൂഹ മാധ്യമങ്ങളിൽ വൈറലായി. ക്ഷേത്രം വളരെ മനോഹരമാണെന്നും ശ്രീരാമ വിഗ്രഹം കണ്ടത് അത്ഭുതകരമായ അനുഭവമായിരുന്നുവെന്നും കുഞ്ഞ് ഭക്തൻ പറഞ്ഞു. നെറ്റിയിൽ കുങ്കുമം ചാർത്തി, ഭക്തിയോടെ സംസാരിക്കുന്ന ആഞ്ജനേയനെ അഭിനന്ദിച്ച് നിരവധി പേർ രംഗത്തെത്തി.

ക്ഷേത്രം ഏങ്ങനെയെന്ന ചോദ്യത്തിന് കുഞ്ഞ് ജർമ്മൻ വിശ്വാസിയുടെ മറുപടി സമൂഹ മാധ്യമങ്ങളിൽ വൈറൽ. ജർമ്മനിയിൽ നിന്നുള്ള ആഞ്ജനേയൻ എന്ന കുട്ടിയാണ് രാമക്ഷേത്ര സന്ദർശനത്തിനായി ഇന്ത്യയിലെത്തിയത്. തന്‍റെ സന്ദർശനം "ശരിക്കും നല്ലതായിരുന്നു" എന്ന് ആ കുട്ടി ഭക്തൻ എഎൻഐയോട് സംസാരിക്കവേ പറഞ്ഞു. കുഞ്ഞ് ആഞ്ജനേയന്‍റെ വീഡിയോ സമൂഹ മാധ്യമങ്ങളിൽ വൈറലായി.

ആ‌ഞ്ജനേയന്‍റെ ഭക്തി

ഹിന്ദു പുരാണങ്ങളിലെ ഏറ്റവും ആഘോഷിക്കപ്പെടുന്ന ബന്ധങ്ങളിലൊന്നാണ് ശ്രീരാമനും ഹനുമാനും തമ്മിലുള്ള ബന്ധം. ഇരുവരുടെയും സൗഹൃദത്തിന്‍റെയും ആത്മാർപ്പണത്തിന്‍റെയും കഥകൂടിയാണ് രാമായണം. അയോദ്ധ്യാ ദർശനത്തിനെത്തിയ ആഞ്ജനേയ എന്ന് പേരുള്ള കുട്ടി. തന്‍റെ രാമക്ഷേത്ര ദർശനത്തെ കുറിച്ച് വാചാലമായപ്പോൾ അത് സമൂഹ മാധ്യമ ഉപയോക്താക്കളെയും ആകർഷിച്ചു. വെളുത്ത വസ്ത്രം ധരിച്ച് നെറ്റിയിൽ കുങ്കുമം പുരട്ടിയ ആഞ്ജനേയന്‍റെ രൂപവും പെരുമാറ്റവും കാണികളുടെ പ്രത്യേക ശ്രദ്ധനേടി. പുരാണങ്ങളിൽ പരാമർശിച്ചിരിക്കുന്ന തന്‍റെ പേരിനെപ്പോലെ തന്നെ, കുഞ്ഞ് ആഞ്ജനേയനും അഗാധമായ തന്‍റെ ഭക്തി പ്രകടിപ്പിച്ചു,

അഭിന്ദനിച്ച് നെറ്റിസെന്‍സ്

തന്‍റെ സന്ദർശനം ശരിക്കും നല്ലതാണെങ്കിലും എന്നാൽ. ഇന്ത്യ ഏറെ ചൂടുള്ളതാണെന്നും അതിന് വേനൽക്കാലം കൈകാര്യം ചെയ്യാൻ കഴിയുമെന്നും അവർ സംസാരിക്കവെ പറഞ്ഞു. ക്ഷേത്രം ശരിക്കും മനോഹരമാണ്, ശ്രീരാമന്‍റെ വിഗ്രഹം കാണാൻ കഴിഞ്ഞത് ഒരു അത്ഭുതകരമായ അനുഭവമായിരുന്നുവെന്നും അവർ കൂട്ടിച്ചേർത്തു. വീഡിയോ വൈറലായതിന് പിന്നാലെ ആ‍ഞ്ജനേയനെ അഭിനന്ദിച്ച് നിരവധി പേരാണ് രംഗത്തെത്തിയത്. ഭക്തി നിറഞ്ഞ ഒരു കുട്ടിയെന്നും അവൻ ശരിക്കും ഒരു ഇന്ത്യക്കാരനെ പോലെ സംസാരിക്കുന്നുവെന്നും അവരെഴുതി. രാമക്ഷേത്ര നിർമ്മാണത്തോടെ നിരവധി വിദേശീയരായ ഭക്തരും ഇവിടെ സന്ദർശനത്തിനായെത്തുന്നു.