ആ 23 കോടി രൂപ പാഴായി? കൊല്ക്കത്ത നൈറ്റ് റൈഡേഴ്സിനെ തോല്പിച്ചത് രണ്ട് തീരുമാനങ്ങള്
ഗുജറാത്ത് ടൈറ്റന്സിനെതിരെ രണ്ട് ബാറ്റര്മാരുടെ കാര്യത്തിലെടുത്ത തീരുമാനങ്ങള് തെറ്റിയതാണ് കൊല്ക്കത്ത നൈറ്റ് റൈഡേഴ്സിന് കനത്ത തിരിച്ചടിയായത്
ഐപിഎല്ലില് കഴിഞ്ഞ സീസണിലെ ചാമ്പ്യന് ടീമാണ് കൊല്ക്കത്ത നൈറ്റ് റൈഡേഴ്സ്. മെഗാതാരലേലത്തില് ക്യാപ്റ്റന് ശ്രേയസ് അയ്യര് പോയത് മാറ്റിനിര്ത്തിയാല് വലിയ മാറ്റങ്ങള് ഇത്തവണയില്ല. എന്നിട്ടും ആ കെകെആര് ഐപിഎല് 2025ല് കിതയ്ക്കുകയാണ്. കളിച്ച എട്ട് മത്സരങ്ങളില് മൂന്ന് ജയം, അഞ്ച് തോല്വി. പോയിന്റ് പട്ടികയില് കൊല്ക്കത്തയുടെ സ്ഥാനം ഏഴ്. കഴിഞ്ഞ കളിയില് ഗുജറാത്ത് ടൈറ്റന്സിനോടും കെകെആറിന് പിഴച്ചു.
