7 -ാം വയസിൽ 7 ഭൂഖണ്ഡങ്ങളും കീഴടക്കി വന്യർ മക്ഗ്രോ; ലോകം ചുറ്റിയ കൊച്ചു മിടുക്കൻ!

ഏഴാം ജന്മദിനത്തിന് മുൻപായി ലോകത്തിലെ ഏഴ് ഭൂഖണ്ഡങ്ങളും സന്ദർശിച്ച് വന്യർ മക്ഗ്രോ എന്ന ബാലൻ. മാതാപിതാക്കൾക്കൊപ്പം നടത്തിയ ഈ ലോകസഞ്ചാരത്തിലെ ഏറ്റവും വെല്ലുവിളി നിറഞ്ഞ യാത്ര അന്റാർട്ടിക്കയിലേത്.

ലോകത്തിലെ ഏഴ് ഭൂഖണ്ഡങ്ങളും ഏഴാം വയസ്സിന് മുമ്പ് തന്നെ സന്ദർശിച്ച് വിസ്മയമായിരിക്കുകയാണ് വന്യർ മക്ഗ്രോ എന്ന ബാലൻ. തന്റെ ഏഴാം ജന്മദിനത്തിന് മുൻപായി തന്നെ ഭൂമിയിലെ എല്ലാ ഭൂഖണ്ഡങ്ങളിലും പാദമുദ്ര പതിപ്പിക്കുക എന്ന അപൂർവ്വ നേട്ടമാണ് ഈ കൊച്ചു സഞ്ചാരി സ്വന്തമാക്കിയത്. അമേരിക്കക്കാരായ മാതാപിതാക്കൾക്കൊപ്പം വളരെ ചെറുപ്പത്തിൽ തന്നെ വന്യർ തന്റെ ലോകസഞ്ചാരം ആരംഭിച്ചിരുന്നു. ഏഷ്യ, ആഫ്രിക്ക, യൂറോപ്പ്, വടക്കേ അമേരിക്ക, തെക്കേ അമേരിക്ക, ഓസ്‌ട്രേലിയ എന്നിവയ്ക്ക് പുറമെ അതിസാഹസികമായ അന്റാർട്ടിക്കയിലും വന്യർ എത്തിച്ചേർന്നു. ഹിമപാളികൾ നിറഞ്ഞ അന്റാർട്ടിക്കയിലെ യാത്രയായിരുന്നു ഏറ്റവും വെല്ലുവിളി നിറഞ്ഞതെന്ന് വന്യറുടെ കുടുംബം പറയുന്നു.

വന്യറുടെ ഓരോ സാഹസികതകളും മാതാപിതാക്കളായ ജോർഡി ലിപ്പെ-മക്ഗ്രോയും റോസ് മക്ഗ്രോയും കൃത്യമായി രേഖപ്പെടുത്തുകയും സോഷ്യൽ മീഡിയയിലൂടെ പങ്കുവെക്കുകയും ചെയ്തിരുന്നു. കുട്ടിക്കാലം മുതൽക്കേ ലോകത്തെയും പ്രകൃതിയെയും കുറിച്ച് പഠിക്കാനും വൈവിധ്യങ്ങൾ മനസ്സിലാക്കാനും ഇത്തരം യാത്രകൾ വന്യറെ സഹായിച്ചുവെന്ന് മാതാപിതാക്കൾ അഭിപ്രായപ്പെടുന്നു. സാമൂഹ്യമാധ്യമങ്ങളിൽ വന്യറുടെ ഈ യാത്രയുടെ ചിത്രങ്ങളും വീഡിയോകളും ഇതിനോടകം വൈറലായിക്കഴിഞ്ഞു.

മകന് ഏഴ് വയസ്സാകുന്നതിന് മുൻപ് ഏഴ് ഭൂഖണ്ഡങ്ങളും സന്ദർശിക്കുക എന്നതായിരുന്നു വന്യർ മക്ഗ്രോയുടെയും മാതാപിതാക്കളുടെയും ലക്ഷ്യം. കഴിഞ്ഞ ദിവസം അന്റാർട്ടിക്കയിൽ എത്തിയതോടെ ഈ സ്വപ്നലക്ഷ്യം പൂർത്തിയായി. വൈവിധ്യമാർന്ന സംസ്കാരങ്ങളും പ്രകൃതിഭംഗിയും അടുത്തറിഞ്ഞുള്ള യാത്രകളായിരുന്നു ഇവ ഓരോന്നും. ഏഴ് ഭൂഖണ്ഡങ്ങളും കീഴടക്കിയതോടെ, ഇനി കുറച്ചുകൂടി സാവധാനത്തിലുള്ളതും വിശ്രമവേളകൾ നിറഞ്ഞതുമായ യാത്രകൾക്കാണ് ഈ കുടുംബം പദ്ധതിയിടുന്നത്. വന്യറുടെ ഈ കൊച്ചു പ്രായത്തിലെ വലിയ നേട്ടം ലോകമെമ്പാടുമുള്ള യാത്രാപ്രേമികളെ അത്ഭുതപ്പെടുത്തുകയാണ്. ലോകം മുഴുവൻ കണ്ടുതീർത്ത ഈ കൊച്ചു സഞ്ചാരിക്ക് അഭിനന്ദന പ്രവാഹമാണ് ഇപ്പോൾ ലഭിക്കുന്നത്.