ആമസോൺ പ്രൈം ഡേ 2026 സെയിൽ തുടങ്ങി: അവിശ്വസനീയ വിലയിൽ സ്‍മാർട്ട്ഫോണുകളും മറ്റും

ആമസോണിന്റെ പ്രൈം ഡേ 2026 സെയിൽ ഇന്ത്യയിൽ ജൂലൈ 4 മുതൽ 6 വരെ നടക്കുന്നു. ഈ സെയിലിൽ സ്മാർട്ട്ഫോണുകൾ, ലാപ്ടോപ്പുകൾ, സ്മാർട്ട് ടിവികൾ എന്നിവയുൾപ്പെടെയുള്ള ഇലക്ട്രോണിക് ഉപകരണങ്ങൾക്ക് ആകർഷകമായ വിലക്കിഴിവുകളും ബാങ്ക് ഓഫറുകളും ലഭ്യമാണ്. ആക്‌സിസ്, എസ്ബിഐ ബാങ്ക് കാർഡ് ഉപയോക്താക്കൾക്ക് 10% വരെ ഇൻസ്റ്റന്റ് ഡിസ്കൗണ്ടും ലഭിക്കും.

ആമസോണിന്റെ പ്രൈം ഡേ 2026 സെയിലിന് ഇന്ത്യയിൽ തുടക്കമായി. ജൂലൈ 4 മുതൽ ജൂലൈ 6 വരെ നടക്കുന്ന മൂന്ന് ദിവസത്തെ സെയിലിൽ സ്‍മാർട്ട്ഫോണുകൾ, ലാപ്ടോപ്പുകൾ, സ്‍മാർട്ട് ടിവികൾ, സ്‍മാർട്ട് വാച്ചുകൾ, ഓഡിയോ ഉപകരണങ്ങൾ തുടങ്ങി വിവിധ വിഭാഗങ്ങളിലെ ഉൽപ്പന്നങ്ങൾക്ക് ആകർഷകമായ വിലക്കിഴിവുകളും ബാങ്ക് ഓഫറുകളും ലഭ്യമാണ്. ആക്‌സിസ് ബാങ്ക് ക്രെഡിറ്റ് കാർഡ് ഉപയോക്താക്കൾക്കും സ്റ്റേറ്റ് ബാങ്ക് ഓഫ് ഇന്ത്യയുടെ ക്രെഡിറ്റ്, ഡെബിറ്റ് കാർഡ് ഉടമകൾക്കും 10 ശതമാനം വരെ ഇൻസ്റ്റന്റ് ഡിസ്കൗണ്ട് ലഭിക്കുന്നതും സെയിലിന്റെ പ്രത്യേകതയാണ്.

സ്‍മാർട്ട്ഫോണുകളിൽ മികച്ച ഓഫറുകൾ

സ്‍മാർട്ട്ഫോൺ വിഭാഗത്തിൽ ഏറ്റവും ശ്രദ്ധേയമായ ഓഫറുകളിലൊന്നാണ് സാംസങ് ഗാലക്‌സി എസ്25 അൾട്രാ. സ്‌നാപ്ഡ്രാഗൺ 8 എലൈറ്റ് ഫോർ ഗാലക്‌സി പ്രോസസർ, 200 മെഗാപിക്സൽ പ്രധാന ക്യാമറ, 120 ഹെർട്സ് അമോലെഡ് ഡിസ്പ്ലേ എന്നിവയുള്ള ഈ ഫ്ലാഗ്ഷിപ്പ് ഫോൺ 84,999 രൂപയ്ക്കാണ് ലഭിക്കുന്നത്.

വൺപ്ലസ് 13 ആദ്യമായി 50,000 രൂപയിൽ താഴെ എത്തി. 49,999 രൂപ വിലയുള്ള ഈ മോഡലിൽ സ്‌നാപ്ഡ്രാഗൺ 8 എലൈറ്റ് ചിപ്സെറ്റ്, എൽടിപിഒ അമോലെഡ് ഡിസ്പ്ലേ, ഹാസൽബ്ലാഡ് ട്യൂൺ ചെയ്ത ക്യാമറ സംവിധാനം എന്നിവയാണ് പ്രധാന സവിശേഷതകൾ. ബജറ്റ് വിഭാഗത്തിൽ സാംസങ് ഗാലക്‌സി എം47 5ജി 22,999 രൂപയ്ക്കും ഐക്യുഒഒ ഇസഡ്11എക്സ് 5ജി 22,499 രൂപ മുതൽ പ്രാരംഭ വിലയിലും സ്വന്തമാക്കാം.

ടിവി, ലാപ്ടോപ്പ് ഓഫറുകൾ

ഇലക്ട്രോണിക്‌സ് വിഭാഗത്തിൽ സാംസങ് 55 ഇഞ്ച് എഐ സ്മാർട്ട് ടിവി 39,990 രൂപയ്ക്ക് ലഭ്യമാണ്. 4കെ റെസലൂഷൻ, എഐ അടിസ്ഥാനമാക്കിയുള്ള ചിത്രം മെച്ചപ്പെടുത്തൽ സംവിധാനം, പ്രധാന സ്ട്രീമിങ് സേവനങ്ങളുടെ പിന്തുണ എന്നിവ ടിവിയുടെ പ്രധാന ആകർഷണങ്ങളാണ്.

ഗെയിമിങ് ലാപ്ടോപ്പ് വാങ്ങാൻ ആഗ്രഹിക്കുന്നവർക്ക് എച്ച്പി വിക്ടസ് റൈസൺ 7 മോഡൽ 79,990 രൂപയ്ക്ക് ലഭിക്കും. എഎംഡി റൈസൺ 7 പ്രോസസറും എൻവിഡിയ സമർപ്പിത ഗ്രാഫിക്സ് കാർഡും ഉൾപ്പെടുത്തിയിരിക്കുന്ന ഈ ലാപ്ടോപ്പ് ഗെയിമിങ്ങിനും കണ്ടന്റ് ക്രിയേഷനും അനുയോജ്യമാണ്.

സ്‍മാർട്ട് വാച്ചിനും ഇയർബഡ്‍സിനും ഓഫർ

വെയറബിൾ സ്‍മാർട്ട് ഉപകരണങ്ങളിൽ സാംസങ് ഗാലക്‌സി വാച്ച് 8 19,499 രൂപയ്ക്ക് സ്വന്തമാക്കാം. ഉറക്ക നിരീക്ഷണം, ഹൃദയമിടിപ്പ് അളക്കൽ, ഫിറ്റ്നസ് ട്രാക്കിങ്, ജിപിഎസ് തുടങ്ങി നിരവധി ആരോഗ്യ ഫീച്ചറുകൾ ഇതിലുണ്ട്.

പ്രീമിയം ഓഡിയോ വിഭാഗത്തിൽ സെൻഹൈസർ മൊമെന്റം ട്രൂ വയർലെസ് 4 ഇയർബഡ്സിനും വിലക്കിഴിവുണ്ട്. 17,499 രൂപയ്ക്ക് ലഭിക്കുന്ന ഈ മോഡൽ മികച്ച ശബ്ദ നിലവാരം, അഡാപ്റ്റീവ് ആക്റ്റീവ് നോയിസ് ക്യാൻസലേഷൻ, മികച്ച ബാറ്ററി ലൈഫ് എന്നിവയോടെയാണ് എത്തുന്നത്.

സെയിൽ ജൂലൈ 6 വരെ

പ്രൈം ഡേ 2026 സെയിൽ ജൂലൈ 6 വരെയാണ് നടക്കുക. ജനപ്രിയ ഉൽപ്പന്നങ്ങളുടെ സ്റ്റോക്ക് വേഗത്തിൽ തീരാനും വിലയിൽ മാറ്റമുണ്ടാകാനും സാധ്യതയുള്ളതിനാൽ, താൽപര്യമുള്ളവർ ഓഫർ കാലാവധി അവസാനിക്കുന്നതിന് മുമ്പ് വാങ്ങൽ പൂർത്തിയാക്കുന്നതാണ് ഉചിതം.