ഉപയോക്താക്കൾക്കായി ജോയോ ഹോം വർക്ക് പ്ലാനിൽ പ്രത്യേക പ്ലാൻ അവതരിപ്പിക്കുകയും ചെയ്തിട്ടുണ്ട്. റിപ്പോർട്ട് അനുസരിച്ച് വീട്ടിലിരുന്ന് ജോലി ചെയ്യുന്നവർക്കായി ജിയോ പ്രതിദിനം 2 ജിബി ഡേറ്റ ഫ്രീയായി നൽകുന്നുണ്ടെന്നാണ്.
മുംബൈ: ലോക്ക്ഡൗണിലാണ് രാജ്യം നിരവധിപ്പേരാണ് വീട്ടിലിരുന്ന് ജോലി ചെയ്യുന്നത്. ഈ സാഹചര്യത്തില്‍ തങ്ങളുടെ പാക്കേജില്‍ ചില പദ്ധതികള്‍ ആവിഷ്കരിച്ചിരിക്കുകയാണ് ടെലികോം കമ്പനിയായ ജിയോ. വീട്ടിലിരുന്നു ജോലി ചെയ്യുന്നവരെ സഹായിക്കാന്‍ 4ജി ഡാറ്റപാക്കില്‍ അധിക ഡാറ്റയും, ജിയോ ഇതര കോളിംഗ് മിനിറ്റുകളും ഇരട്ടിയാക്കിയിട്ടുണ്ടെന്നാണ് ടെലികോം ടോക്ക് റിപ്പോര്‍ട്ട് ചെയ്യുന്നുണ്ട്.
ഉപയോക്താക്കൾക്കായി ജോയോ ഹോം വർക്ക് പ്ലാനിൽ പ്രത്യേക പ്ലാൻ അവതരിപ്പിക്കുകയും ചെയ്തിട്ടുണ്ട്. റിപ്പോർട്ട് അനുസരിച്ച് വീട്ടിലിരുന്ന് ജോലി ചെയ്യുന്നവർക്കായി ജിയോ പ്രതിദിനം 2 ജിബി ഡേറ്റ ഫ്രീയായി നൽകുന്നുണ്ടെന്നാണ്. ഉപയോക്താക്കളുടെ ഈ പരിധി (2ജിബി) അവസാനിപ്പിക്കുമ്പോൾ ഇന്റർനെറ്റ് വേഗം 64കെബിപിഎസ് ആയി കുറയും. എന്നാൽ, ഈ പ്ലാൻ പ്രകാരം ഉപയോക്താക്കൾക്ക് വോയ്സ് കോൾ ആനുകൂല്യങ്ങളൊന്നും ലഭിക്കില്ല.
2020 ഏപ്രിൽ 1 വരെ ഈ ഓഫർ ലഭ്യമാകും. അതായത് ഉപയോക്താക്കൾക്ക് നാലു ദിവസത്തേക്ക് അധിക ചെലവില്ലാതെ 8 ജിബി ഡേറ്റ ലഭിക്കും. കമ്പനി തന്നെ ഈ പ്ലാൻ സ്വപ്രേരിതമായി അപ്‌ഡേറ്റ് ചെയ്യും. എന്നാൽ, ഉപയോക്താക്കൾക്ക് ഈ പ്ലാൻ ആക്‌സസ് ചെയ്യാൻ കഴിയുന്നില്ലെങ്കിൽ, പ്ലാൻ ലഭ്യമാണോയെന്ന് പരിശോധിക്കുന്നതിന് മൈ ജിയോ ആപ്പ് സന്ദർശിച്ചാൽ മതി.
ഉപയോക്താക്കൾക്ക് അവരുടെ അടുത്തുള്ള എടിഎമ്മുകളിൽ നിന്ന് മൊബൈൽ റീചാർജ് ചെയ്യാൻ സഹായിക്കുന്ന പ്രത്യേക പദ്ധതിയും കമ്പനി പ്രഖ്യാപിച്ചിട്ടുണ്ട്. എസ്‌ബി‌ഐ, ആക്സിസ് ബാങ്ക്, എച്ച്ഡി‌എഫ്‌സി ബാങ്ക്, ഐ‌സി‌ഐ‌സി‌ഐ ബാങ്ക്, ഐ‌ഡി‌ബി‌ഐ ബാങ്ക്, സിറ്റി ബാങ്ക്, ഡി‌സി‌ബി ബാങ്ക്, എ‌യു‌എഫ് ബാങ്ക്, സ്റ്റാൻ‌ഡേർഡ് ചാർട്ടേഡ് ബാങ്ക് എടിഎമ്മുകളിൽ ഈ ഫീച്ചർ ലഭ്യമാണ്.