എട്ട് വയസുകാരി മുതല്‍ 72കാരി വരെ; സ്ത്രീകള്‍ക്ക് മാത്രമായി ഒരു കളരി!

ഇത് വനിതകൾക്ക് മാത്രമായുള്ള ഇടമാണ്. ഇവിടുത്തെ ഗുരുക്കളും വനിതകള്‍ തന്നെയാണ്. 

സ്ത്രീകള്‍ കളരിപ്പയറ്റ് അഭ്യസിക്കുകയോ? നെറ്റിചുളിക്കേണ്ട എന്ന് പറയുകയാണ് ഫോർട്ട് കൊച്ചിയിലുള്ള മെറീന ഗുരുക്കളുടെ ഈ കളരി. ഇത് വനിതകൾക്ക് മാത്രമായുള്ള ഇടമാണ്. ഇവിടത്തെ ഗുരുക്കളും വനിതകള്‍ തന്നെയാണ്. എട്ട് വയസ്സുകാരി ദേവനന്ദ മുതൽ 72 വയസ്സുള്ള വീട്ടമ്മമാർ വരെ ഇവിടെ മെറീനയുടെ ശിഷ്യരാണ്.

കയ്യും കാലും മനസ്സും ഒരുപോലെ ചലിക്കുമ്പോള്‍ പ്രായം ഇവർക്ക് പ്രശ്നമേ അല്ല. ഈ കളരിയാണ് ഇപ്പോള്‍ മെറീനയുടെ ജീവിതം. വർഷങ്ങൾ നീണ്ട അധ്വാനത്തിലൂടെയാണ് മെറീന  ഈ ജീവിതം കൈയെത്തിപ്പിടിച്ചത്. 

പത്താം വയസിലാണ് മെറീന കളരി പഠിക്കാൻ തുടങ്ങിയത്. 32 വർഷത്തോളമായി കളരി മെറീനയുടെ ജീവിതത്തിന്‍റെ ഭാഗമായി മാറി കഴിഞ്ഞു. പ്രതിസന്ധികളിൽ അടിപതറാതെ മുന്നേറിയ മെറീന ഇന്ന് നിരവധി വനിതകൾക്ക് പ്രചോദനമാണ്.