അബദ്ധങ്ങൾ

വീട്ടിൽ കോളിഫ്ലവർ കൃഷി ചെയ്യണമെന്നുണ്ടോ? നല്ല വിളവ് തരും. പക്ഷേ, ഈ അബദ്ധങ്ങൾ പറ്റാതെ നോക്കണം.

തണുത്ത കാലാവസ്ഥ ഇഷ്ടപ്പെടുന്ന കോളിഫ്ലവർ അധികം ചൂടുള്ള സമയത്ത് കൃഷി ചെയ്യാതിരിക്കുക.

വെള്ളം കെട്ടിക്കിടക്കുന്ന മണ്ണിൽ നടുന്നത് വേരുചീയലിന് കാരണമാകും.

തൈകൾക്ക് 4-5 ഇലകൾ ആകുമ്പോഴോ പാകി 25-30 ദിവസങ്ങൾ കഴിയുമ്പോഴോ ആണ് പ്രധാന കൃഷിയിടത്തിലേക്ക് മാറ്റി നടേണ്ടത്.

ചെടികൾ തമ്മിൽ ആവശ്യത്തിന് അകലം (45-50 സെ.മീ) നൽകാതെ അടുപ്പിച്ച് നടുന്നത് ഒഴിവാക്കുക.

മണ്ണിൽ ഈർപ്പം ഇല്ലാതിരിക്കുകയോ അമിതമായി നനയ്ക്കുകയോ ചെയ്യുന്നത് പൂക്കളുടെ ഗുണനിലവാരം കുറയ്ക്കും.

പൂക്കൾ കറുത്തുപോകുന്നത് ഒഴിവാക്കാൻ മണ്ണിൽ ബോറോണിന്റെ ലഭ്യത ഉറപ്പാക്കുക.

ഇലകളിലെ പുഴുക്കളുടെയും കീടങ്ങളുടെയും ആക്രമണം ആദ്യഘട്ടത്തിൽ തന്നെ ജൈവവഴികളിലൂടെ പ്രതിരോധിക്കുക.