ബീൻസ്

വളർത്താനും പരിപാലിക്കാനും വിളവെടുക്കാനും വളരെ എളുപ്പമുള്ള പച്ചക്കറിയാണ് ബീൻസ്.

സൂര്യപ്രകാശത്തിലും ഭാഗികമായ തണലിലും നന്നായി വളരുന്നതിനാൽ ഭാഗികമായി സൂര്യപ്രകാശം ലഭിക്കുന്ന ഒരു സ്ഥലം കൃഷിക്കായി തിരഞ്ഞെടുക്കുക.

മാർച്ച്, ഏപ്രിൽ മാസങ്ങളിൽ കൃഷി ആരംഭിക്കുന്നതാണ് നല്ലത്. ജൈവവളങ്ങൾ ഉപയോഗിച്ച് പോഷകസമൃദ്ധമായ മണ്ണിൽ ആയിരിക്കണം വിത്ത് നടേണ്ടത്.

6-7 pH നിലയും 18-30 ഡിഗ്രി സെൽഷ്യസ് താപനിലയും നല്ല വിളവിന് ആവശ്യമാണ്.

ഗ്രോബാഗിലോ ചട്ടിയിലോ നടാനായി മണ്ണിൽ ഉണങ്ങിയ ആട്ടിൻകാഷ്ടവും വേപ്പിൻപിണ്ണാക്കും ചേർക്കണം.

വിത്തുകൾ നേരിട്ടാണ് നടേണ്ടത്. ഒരിഞ്ച് താഴ്ചയാവാം. വിത്തുകൾ 10-15 സെന്റീമീറ്റർ അകലത്തിൽ നടാം.

മണ്ണിലെ ഈർപ്പം നിലനിർത്തണം, എന്നാൽ വെള്ളം കെട്ടിക്കിടക്കാൻ അനുവദിക്കരുത്. പൂവിടുന്ന സമയത്ത് ജലദൗർലഭ്യം ഉണ്ടാകരുത്, കാരണം അത് വിളവിനെ സാരമായി ബാധിക്കും.

55 ദിവസം മുതൽ ബീൻസ് കുലകൾ അടർത്തിയെടുക്കാൻ പാകമാകും.