ബദാം

ധാരാളം പോഷക​​ഗുണങ്ങൾ അടങ്ങിയ നട്സാണ് ബദാം. ചിലർ ബദാം തൊലിയോട് കൂടി തന്നെ കഴിക്കാറുണ്ട്. ബദാം ഒരു ​ഗ്ലാസ് വെള്ളത്തിൽ കുതിർത്ത ശേഷം തൊലിയോട് കൂടി തന്നെ കഴിക്കുന്നത് ഏറെ നല്ലതാണ്.

ബദാമിന്‍റെ തൊലിയില്‍ ധാരാളം നാരുകള്‍ അടങ്ങിയിട്ടുണ്ട്. അത് കുടലിന്റെ ആരോഗ്യം മികച്ചതാക്കാന്‍ സഹായിക്കും. 

ശരീരഭാരം കുറയ്ക്കാനും ഇവ കഴിക്കുന്നത് നല്ലതാണ്. ഇതിന്റെ തൊലിയില്‍ ആന്റി ഓക്‌സിഡന്റുകളും അടങ്ങിയിട്ടുണ്ട്.

ബദാം ദിവസവും കഴിക്കുന്നത് ചര്‍മ്മത്തിന്റെയും തലച്ചോറിന്റെയും ആരോഗ്യം മികച്ചതാക്കും. ഇവയില്‍ അടങ്ങിയിരിക്കുന്ന വിറ്റാമിന്‍ ഇ ഓര്‍മശക്തി മെച്ചപ്പെടുത്താന്‍ സഹായിക്കും.

ബദാം കുതിർക്കുന്നത് ലിപേസ് എന്ന എൻസൈം പുറത്തുവിടാൻ സഹായിക്കുകയും ടാനിനുകളുടെയും ഫൈറ്റിക് ആസിഡിന്റെയും അളവ് കുറയ്ക്കുകയും ചെയ്യും.

ബദാം പതിവായി കഴിക്കുന്നത് നല്ല" കൊളസ്ട്രോളിന്റെ അളവ് മെച്ചപ്പെടുത്തുന്നതിനും മോശം" കൊളസ്ട്രോളിന്റെ അളവ് കുറയ്ക്കുന്നതിനും തുടർന്ന് മെച്ചപ്പെട്ട ഹൃദയാരോഗ്യത്തിനും സഹായിക്കുന്നു.

ബദാമിൽ വിറ്റാമിൻ ഇ, മറ്റ് ആന്റിഓക്‌സിഡന്റുകൾ എന്നിവ ധാരാളം അടങ്ങിയിരിക്കുന്നതിനാൽ ചർമ്മത്തെ ആരോ​ഗ്യത്തോടെ സംരക്ഷിക്കുന്നു.