ഗ്രീൻ ടീ

ഗ്രീൻ ടീയിൽ നിരവധി ഗുണങ്ങൾ അടങ്ങിയിട്ടുണ്ട്. ഗ്രീൻ ടീ കുടിക്കുമ്പോൾ നിർബന്ധമായും ഒഴിവാക്കേണ്ട അബദ്ധങ്ങൾ ഇതാണ്.

രാവിലെ എഴുന്നേറ്റയുടനെ വെറുംവയറ്റിൽ ഗ്രീൻ ടീ കുടിക്കുന്നത് ആരോഗ്യത്തിന് ദോഷമുണ്ടാക്കുന്നു. എന്തെങ്കിലും കഴിച്ചതിന് ശേഷം കുടിക്കുന്നതാണ് നല്ലത്.

ഗ്രീൻ ടീയിൽ ധാരാളം ഗുണങ്ങൾ അടങ്ങിയിട്ടുണ്ടെങ്കിലും അമിതമായി ഇത് കുടിക്കുന്നത് ഒഴിവാക്കണം. ദിവസവും രണ്ട് കപ്പിൽ കൂടുതൽ കുടിക്കാൻ പാടില്ല.

ഗ്രീൻ ടീയിൽ കഫീൻ അടങ്ങിയിട്ടുണ്ട്. രാത്രി സമയങ്ങളിൽ ഇത് കുടിക്കുന്നത് ഉറക്കത്തെ ബാധിക്കുന്നു. ഉറങ്ങുന്നതിന് 2 മണിക്കൂർ മുന്നേ കുടിക്കാം.

ഭക്ഷണം കഴിച്ച് കഴിഞ്ഞയുടനെ ഗ്രീൻ ടീ കുടിക്കുന്നത് ഒഴിവാക്കണം. ഇത് ഭക്ഷണത്തിന്റെ ഗുണങ്ങൾ ലഭിക്കുന്നത് നഷ്ടപ്പെടാൻ കാരണമാകുന്നു.

തിളയ്ക്കുന്ന വെള്ളത്തിൽ ചായപ്പൊടി ഇടുന്നത് ഒഴിവാക്കാം. പകരം വെള്ളം തിളച്ചുകഴിഞ്ഞ് ചൂട് കുറച്ചതിന് ശേഷം പൊടിയിടുന്നതാണ് നല്ലത്. ഇല്ലെങ്കിൽ ചായയുടെ ഗുണം നഷ്ടപ്പെടാൻ സാധ്യതയുണ്ട്.

ബിപി, ഷുഗർ തുടങ്ങിയ അസുഖങ്ങൾ ഉള്ളവർ ഗ്രീൻ ടീ കുടിക്കുന്നത് ഒഴിവാക്കുന്നതാണ് നല്ലത്. അതേസമയം ഡോക്ടറുടെ നിർദ്ദേശപ്രകാരം കുടിക്കാവുന്നതാണ്.

ഉപയോഗിച്ച ടീ ബാഗ് പുനരുപയോഗിക്കുന്നത് ഗുണത്തേയും രുചിയേയും ബാധിക്കുന്നു. എപ്പോഴും ഫ്രഷായിട്ടുള്ളത് ഉപയോഗിക്കുന്നതാണ് നല്ലത്.