ഉയർന്ന രക്തസമ്മർദ്ദത്തിന് പിന്നിലെ കാരണങ്ങള്‍

ഹൈപ്പർടെൻഷൻ അല്ലെങ്കിൽ ഉയർന്ന രക്തസമ്മർദ്ദത്തെ അവഗണിക്കുന്നത് നമ്മുടെ ആരോഗ്യത്തെ മോശമായി ബാധിക്കും.

ഉയർന്ന രക്തസമ്മർദ്ദത്തിന് പിന്നിലെ പ്രധാനപ്പെട്ട കാരണങ്ങള്‍ എന്തൊക്കെയാണെന്ന് നോക്കാം.

അമിതമായ ഉപ്പിന്‍റെ ഉപയോഗം, അനാരോഗ്യകരമായ കൊഴുപ്പ് അടങ്ങിയ ഭക്ഷണങ്ങളുടെ അമിത ഉപയോഗം, സംസ്കരിച്ച ഭക്ഷണങ്ങള്‍ തുടങ്ങിയവ രക്തസമ്മര്‍ദ്ദം ഉയര്‍ത്തും.

വ്യായാമക്കുറവ് രക്തസമ്മര്‍ദ്ദത്തെ ഉയര്‍ത്തും. ദിവസവും 30 മിനിറ്റ് വ്യായാമം ചെയ്യുന്നത് രക്തസമ്മർദ്ദം നിയന്ത്രിക്കാൻ സഹായിക്കും.

മദ്യപിക്കുമ്പോള്‍ രക്തസമ്മർദ്ദം കൂടാനുള്ള സാധ്യത കൂടുതലാണ്. അതിനാല്‍ മദ്യപാനം ഒഴിവാക്കുക.

പുകവലിക്കുന്നതിലൂടെ രക്തസമ്മർദ്ദം ഉയരാനുള്ള സാധ്യത വളരെ കൂടുതലാണ്. അതിനാല്‍ പുകവലിയും ഒഴിവാക്കുക.

സ്‌ട്രെസ് ആണ് രക്തസമ്മര്‍ദ്ദം ഉയരാന്‍ ഇടയാക്കുന്ന മറ്റൊരു കാരണം. യോഗ, ധ്യാനം, പ്രാർത്ഥന, വിനോദം, ക്രിയാത്മക ചിന്ത തുടങ്ങിയ വഴികളിലൂടെ ടെൻഷൻ ഒഴിവാക്കുക.

അമിതഭാരവും രക്തസമ്മര്‍ദ്ദം ഉയരാന്‍ കാരണമാകും. അതിനാല്‍ ശരീരഭാരം നിയന്ത്രിക്കുക. ചിലപ്പോള്‍ ചില ആരോഗ്യ പ്രശ്നങ്ങളുടെ ഭാഗമായും രക്തസമ്മര്‍ദ്ദം ഉയരാം.