കശുവണ്ടി കഴിച്ചാൽ കൊളസ്ട്രോൾ കൂടുമോ?

കശുവണ്ടി കഴിച്ചാൽ കൊളസ്ട്രോൾ കൂടുമോ?

നട്സുകളിൽ ഏറ്റവും കൂടുതൽ പോഷക​ഗുണങ്ങമുള്ള ഒന്നാണ് കശുവണ്ടി. ഹൃദയാരോഗ്യത്തിന് ആവശ്യമായ കൊഴുപ്പുകൾ, വിറ്റാമിനുകൾ, ധാതുക്കൾ എന്നിവയും നൽകുന്നു.

കശുവണ്ടി കഴിക്കുന്നത് മൊത്തം കൊളസ്ട്രോളിന്റെയും എൽഡിഎൽ കൊളസ്ട്രോളിന്റെയും അളവ് കുറയ്ക്കുമെന്ന് അമേരിക്കൻ ജേണൽ ഓഫ് ക്ലിനിക്കൽ ന്യൂട്രീഷനിൽ പ്രസിദ്ധീകരിച്ച പഠനത്തിൽ പറയുന്നു.

കശുവണ്ടിക്ക് കലോറി കൂടുതലാണെങ്കിലും ശരീരഭാരം നിയന്ത്രിക്കാനുള്ള കഴിവുണ്ട്. അവയിലെ പ്രോട്ടീൻ നാരുകൾ, ആരോഗ്യകരമായ കൊഴുപ്പ് എന്നിവ വിശപ്പ് നിയന്ത്രിക്കാൻ ഉപകരിക്കും.

ട്രിപ്റ്റോഫാൻ എന്ന അമിനോ ആസിഡിന്റെ ഉറവിടമാണ് കശുവണ്ടി. ഇതിൽ ഉറക്കവും മാനസികാവസ്ഥയും നിയന്ത്രിക്കുന്ന ന്യൂറോ ട്രാൻസ്മിറ്റുകൾ ഉൾപ്പെട്ടിട്ടുണ്ട്.

കശുവണ്ടിയിൽ മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകൾ അടങ്ങിയിട്ടുണ്ട്. ഇത് ഹൃദ്രോഹ സാധ്യത കുറയ്ക്കാനും സഹായിക്കുന്നു.

കശുവണ്ടിയിലെ ചെമ്പും സിങ്കും മെലാനിൻ (മുടിക്കും ചർമ്മത്തിനും നിറം നൽകുന്നതിന്) ഉൽ‌പാദനത്തെയും കൊളാജൻ (യുവത്വവും ഉറപ്പുള്ളതുമായ ചർമ്മത്തിന്) ഉൽ‌പാദനത്തെയും പ്രോത്സാഹിപ്പിക്കുന്നു.

കശുവണ്ടിയിൽ ആന്റിഓക്‌സിഡന്റുകളായ ല്യൂട്ടിൻ, സിയാക്സാന്തിൻ എന്നിവ അടങ്ങിയിട്ടുണ്ട്. ഇത് കണ്ണുകളെ സംരക്ഷിക്കുകയും റെറ്റിനയുടെ ആരോഗ്യത്തിനും സഹായിക്കുന്നു.

മഗ്നീഷ്യം, ഫോസ്ഫറസ്, ചെമ്പ് എന്നിവ അസ്ഥികളുടെ സാന്ദ്രത നിലനിർത്താനും ഓസ്റ്റിയോപൊറോസിസ് സാധ്യത കുറയ്ക്കാനും സഹായിക്കുന്നു.