ചപ്പാത്തി സോഫ്റ്റായി കിട്ടാൻ ഇതാ ചില ടിപ്സ്
ഇളം ചൂടുള്ള വെള്ളമോ പാലോ ചേർത്ത് ഗോതമ്പുപൊടി കുഴയ്ക്കുക. ഇളം ചൂടുള്ള വെള്ളം മാവ് നല്ല സോഫ്റ്റാക്കുന്നു.
മാവ് കുഴയ്ക്കുമ്പോൾ അതിലേക്ക് ഒരു ചെറിയ ടീസ്പൂൺ എണ്ണയോ നെയ്യോ ചേർക്കുക. മാവ് നന്നായി മൃദുവായും മിനുസമുള്ളതായും ആകുന്നത് വരെ 5 മുതൽ 8 മിനിറ്റ് വരെ കുഴയ്ക്കുക.
കുഴച്ചു വച്ച മാവ് നനഞ്ഞ തുണികൊണ്ട് മൂടി കുറഞ്ഞത് 20 മിനിറ്റ് മൂടി വയ്ക്കുക. ഇങ്ങനെ വയ്ക്കുന്നത് മാവ് സോഫ്റ്റാകാനും ചപ്പാത്തി എളുപ്പത്തിൽ പരത്തിയെടുക്കാൻ കഴിയുകയും ചെയ്യുന്നു.
പാൻ നന്നായി ചൂടാക്കിയ ശേഷം മാവ് പാനിലേക്ക് ഇട്ട് ചുട്ടെക്കുക. ഇങ്ങനെ ചെയ്യുന്നത് ചപ്പാത്തി സോഫ്റ്റാകുന്നു.
പാനിൽ നിന്ന് മാറ്റിയ ഉടൻ തന്നെ ചൂടുള്ള ചപ്പാത്തിയിൽ അല്പം നെയ്യോ വെണ്ണയോ പുരട്ടുക. ഇവ അടപ്പുള്ള പാത്രത്തിലോ ഹോട്ട് ബോക്സിലോ അടച്ച് വയ്ക്കുക.
ഗോതമ്പ് പൊടിയിലേയ്ക്ക് തൈര് കൂടി ചേർത്ത് ചപ്പാത്തിക്ക് മാവ് കുഴച്ചെടുക്കാം. ഒന്നു മുതൽ രണ്ട് മണിക്കൂർ വരെ അത് മാറ്റി വച്ചതിനു ശേഷ ഉപയോഗിക്കാം.
നെയ്യും തൈരും ഇല്ലെങ്കിൽ കുറച്ച് വെളിച്ചെണ്ണ ചേർത്ത് ചപ്പാത്തി മാവ് കുഴയ്ക്കാം. ഇതും ചപ്പാത്തി കൂടുതൽ സോഫ്റ്റാക്കും.