മുടികൊഴിച്ചിൽ തടയാം

മഴക്കാലത്ത് മുടികൊഴിച്ചിൽ ഉണ്ടാവുന്നത് തടയാൻ ശ്രദ്ധിക്കേണ്ട ചില കാര്യങ്ങൾ.

വിയർപ്പും അഴുക്കും അടിഞ്ഞുകൂടുന്നത് തടയാൻ എന്നും കുളിക്കുന്നത് നല്ലതായിരിക്കും. ഇത് സ്കാൽപ് എപ്പോഴും വൃത്തിയായിരിക്കാൻ സഹായിക്കും.

മുടി നനവോടെ ഇരിക്കുമ്പോൾ ഒരിക്കലും കെട്ടിവെയ്ക്കരുത്. ഇത് തലമുടി പൊട്ടിപ്പോകാനും ഫങ്കസ് ഉണ്ടാവാനും കാരണമാകുന്നു.

ആഴ്ചയിൽ ഒരിക്കൽ മാത്രം തല എണ്ണതേച്ച് മസാജ് ചെയ്യാം. അതേസമയം അമിതമായി എണ്ണ തേയ്ക്കുന്നത് ഒഴിവാക്കണം. ഇത് മുടിയിൽ അഴുക്ക് പറ്റിയിരിക്കാൻ കാരണമാകും.

മുട്ട, പനീർ, മത്സ്യം തുടങ്ങിയ പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് തലമുടിയുടെ ആരോഗ്യത്തെ മെച്ചപ്പെടുത്താൻ സഹായിക്കും.

സ്ഥിരമായി തലമുടി കഴുകുന്നവരാണ് നിങ്ങളെങ്കിൽ കഠിനമല്ലാത്ത ഷാംപൂ ഉപയോഗിക്കുന്നതാണ് മുടിയുടെ ആരോഗ്യത്തിന് നല്ലത്.

ബ്ലോ ഡ്രൈ, സ്ട്രൈറ്റനിംഗ് എന്നിവ ഇടയ്ക്കിടെ ചെയ്യുന്നത് ഒഴിവാക്കണം. അമിതമായി ചൂട് കൊള്ളുന്നത് തലമുടിയുടെ ആരോഗ്യം മോശമാകാൻ കാരണമാകും.

ദിവസവും ധാരാളം വെള്ളം കുടിക്കാൻ ശ്രദ്ധിക്കണം. ഇത് തലമുടി നന്നായി വളരാൻ സഹായിക്കും.