വണ്ണം കുറയ്ക്കാൻ‌ ഡയറ്റിലാണോ ? എങ്കിൽ ഈ ഭക്ഷണങ്ങൾ കഴിച്ചോളൂ

ശരീരഭാരം കുറയ്ക്കുന്നതിൽ ഡയറ്റ് പ്രധാന പങ്കാണ് വഹിക്കുന്നത്. പ്രോട്ടീനും നാരുകളും അടങ്ങിയ പ്രഭാതഭക്ഷണം വിശപ്പ് കുറയ്ക്കാനും അതേസമയം കൊഴുപ്പ് കുറയ്ക്കാനും സഹായിക്കും.

ശരീരഭാരം കുറയ്ക്കാൻ നിങ്ങളുടെ ഡയറ്റിൽ ഉൾപ്പെടുത്തേണ്ട ചില ഭക്ഷണങ്ങളെ കുറിച്ചാണ് ഇനി പറയുന്നത്..

ചെറുപയറിലും മറ്റ് പയറുവർഗങ്ങളിലും പ്രോട്ടീനും നാരുകളും കൂടുതലാണ്. ഇത് ദിവസത്തിന്റെ കലോറി ഉപഭോഗം കുറയ്ക്കുന്നു. 

വിശപ്പ് നിയന്ത്രിക്കുന്നതിനും ഭക്ഷണത്തിനു ശേഷമുള്ള രക്തത്തിലെ പഞ്ചസാരയുടെ നിയന്ത്രണത്തിനും വെള്ളക്കടല സഹായിക്കുന്നു. സാലഡോ അല്ലാതെയോ വെള്ളക്കടല കഴിക്കാവുന്നതാണ്.

മുട്ട കഴിക്കുന്നത് അമിത വിശപ്പ് തടയുകയും ശരീരഭാരം കുറയ്ക്കാനും സഹായിക്കും. ഇത് മൊത്തത്തിലുള്ള കലോറി ഉപഭോഗം കുറയ്ക്കുന്നു.

മില്ലറ്റുകളിൽ നാരുകൾ കൂടുതലാണ്. കൂടാതെ ഗ്ലൈസെമിക് സൂചികയും കുറവാണ്. ഇത് രക്തത്തിലെ പഞ്ചസാര സ്ഥിരപ്പെടുത്താനും കൂടുതൽ നേരം വയറു നിറയ്ക്കാനും സഹായിക്കുന്നു.

ഉലുവയിൽ നിന്നുള്ള നാരുകൾ അമിത വിശപ്പ് തടയുകയും ഊർജ്ജ ഉപഭോഗം കുറയ്ക്കുകയും ചെയ്യുമെന്ന് കണ്ടെത്തിയിട്ടുണ്ട്. ഉലുവ ഇല ചേർക്കുന്നതോ വിശപ്പ് നിയന്ത്രിക്കാൻ സഹായിക്കും.

‌

കലോറി കുറവും നാരുകൾ കൂടുതലും അടങ്ങിയിട്ടുള്ളതിനാൽ ശരീരഭാരം കുറയ്ക്കാൻ പേരയ്ക്ക സഹായിക്കും. ഇത് വയറു നിറയാൻ സഹായിക്കുകയും അമിതമായി ഭക്ഷണം കഴിക്കുന്നത് തടയുകയും ചെയ്യുന്നു.