ഈ ആറ് ഭക്ഷണങ്ങൾ വൃക്കകളെ നശിപ്പിക്കും

വൃക്കയുടെ ആരോഗ്യത്തിൽ ഭക്ഷണത്തിന് പ്രധാന പങ്കുണ്ട്. ചില ഭക്ഷണങ്ങള്‍ അമിതമായി കഴിക്കുന്നത് വൃക്കയുടെ ആരോഗ്യം നശിപ്പിക്കും. 

സംസ്കരിച്ച ഭക്ഷണങ്ങളുടെ ഉപഭോഗം, പായ്ക്ക് ചെയ്ത ലഘുഭക്ഷണങ്ങൾ, റെഡി-ടു-ഈറ്റ് ഭക്ഷണങ്ങൾ എന്നിവ വൃക്ക തകരാറിലേക്ക് നയിക്കുന്നു.

അൾട്രാ-പ്രോസസ്ഡ് ഭക്ഷണങ്ങൾ (UPFs) കഴിക്കുന്നത് വൃക്കരോഗ വികസനത്തിന് കാരണമാകുമെന്ന് ഗവേഷണങ്ങൾ സൂചിപ്പിക്കുന്നു. ഇത് വൃക്കകളുടെ പ്രവർത്തനത്തിലെ അപചയത്തെ ത്വരിതപ്പെടുത്തുന്നു.

ഉപ്പ് കൂടുതലായാൽ വൃക്കകൾക്ക് കൂടുതൽ കഠിനമായി ജോലി ചെയ്യേണ്ടി വരും. പ്രോസസ് ചെയ്ത ഭക്ഷണങ്ങൾ, ചിപ്സ്, ഇൻസ്റ്റന്റ് ഭക്ഷണങ്ങൾ ഇവയിൽ സോഡിയം ധാരാളമുണ്ടാവും.

റെഡ് മീറ്റിൽ പ്രോട്ടീനും പ്യൂരിനും ധാരാളമുണ്ട്. ഇത് യൂറിക് ആസിഡിന്റെ അളവ് കൂട്ടുകയും വൃക്കകൾക്ക് ആയാസം ഉണ്ടാക്കുകയും ചെയ്യും.

സോഡ, മധുര പാനീയങ്ങള്‍ ഇവ പതിവായി കഴിക്കുന്നത് പഞ്ചസാരയും ഫോസ്ഫറസ് അഡിറ്റീവുകളും ധാരാളമായി ശരീരത്തിലെത്താൻ കാരണമാകും. ഇവ വൃക്കരോഗത്തിനുള്ള സാധ്യത കൂട്ടുന്നു.

എണ്ണമയമുള്ള വറുത്ത ഭക്ഷണങ്ങളിൽ അനാരോഗ്യകരമായ കൊഴുപ്പുകളും സോഡിയവും അഡിറ്റീവുകളും ധാരാളമായുണ്ട്. ഇവ പതിവായി കഴിക്കുന്നത് ശരീരഭാരം കൂട്ടുകയും ഉയർന്ന രക്തസമ്മർദത്തിനും കാരണമാകും.