ഭക്ഷണം കഴിച്ചുകഴിഞ്ഞാൽ ശ്രദ്ധിക്കേണ്ടവ

നല്ല ആരോഗ്യം ലഭിക്കാൻ ഭക്ഷണക്രമീകരണത്തിൽ മാത്രം ശ്രദ്ധിച്ചതുകൊണ്ട് കാര്യമില്ല. ഭക്ഷണം കഴിച്ചു കഴിഞ്ഞതിന് ശേഷവും ശ്രദ്ധിക്കേണ്ടതുണ്ട്. അവ എന്തൊക്കെയാണെന്ന് അറിയാം.

ഭക്ഷണം കഴിച്ചയുടനെ ഉറങ്ങാൻ പാടില്ല. ഇത് ദഹന പ്രക്രിയയേയും, വയർ വീർക്കലിനും കാരണമാകുന്നു. കുറഞ്ഞത് രണ്ട് മണിക്കൂറെങ്കിലും കഴിഞ്ഞതിന് ശേഷം ഉറങ്ങാൻ ശ്രദ്ധിക്കണം.

ഭക്ഷണം കഴിച്ചു കഴിഞ്ഞാൽ നടക്കേണ്ടത് അത്യാവശ്യം ആണെങ്കിലും ഉടനെ നടക്കുന്നത് ഒഴിവാക്കണം. 5 മിനിറ്റ് ഇരുന്നതിന് ശേഷം നടക്കുന്നതാണ് നല്ലത്.

ഭക്ഷണം കഴിച്ചുകഴിഞ്ഞ ഉടനെ കുളിക്കുന്നത് ഒഴിവാക്കണം. ഇത് ദഹന പ്രക്രിയയെ മന്ദഗതിയിലാക്കുന്നു.

ഭക്ഷണം കഴിച്ചയുടനെ വെള്ളം കുടിക്കാമെങ്കിലും അമിതമായി കുടിക്കാൻ പാടില്ല. ഇത് ദഹനത്തെ മന്ദഗതിയിലാക്കുന്നു.

പഴങ്ങളിൽ ധാരാളം പോഷകങ്ങൾ അടങ്ങിയിട്ടുണ്ട്. എന്നാൽ ഭക്ഷണം കഴിച്ചയുടനെ ഇത് കഴിക്കാൻ പാടില്ല. കാരണം പഴങ്ങൾ പെട്ടെന്ന് ദഹിക്കുന്നവയാണ്.

ഭക്ഷണം കഴിക്കുന്നതിന് അരമണിക്കൂർ മുമ്പ് അല്ലെങ്കിൽ ഭക്ഷണം കഴിച്ച് അരമണിക്കൂറിന് ശേഷം ചൂട് വെള്ളം കുടിക്കാവുന്നതാണ്.

ഭക്ഷണം കഴിച്ചയുടനെ ചായ കുടിക്കുന്നത് ഒഴിവാക്കണം. കാരണം ഇതിൽ അസിഡിറ്റി കൂടുതലാണ്. ഇത് ദഹനത്തെ തടയുന്നു.