കഴുത്തിന് ചുറ്റുമുള്ള കറുപ്പ് ഇനി എളുപ്പം അകറ്റാം

കഴുത്തിന് ചുറ്റുമുള്ള കറുപ്പ് ഇനി എളുപ്പം അകറ്റാം ; ഇവ ഉപയോ​ഗിച്ചാൽ മതിയാകും

ഐസ് ക്യൂബ് ഉപയോ​ഗിച്ച് കഴുത്തിന് ചുറ്റും മസാജ് ചെയ്യുന്നത് കറുപ്പ് മാറ്റാൻ സഹായിക്കും. ഐസ് ക്യൂബുകൾ ഒരു വൃത്തിയുള്ള തുണിയിൽ പൊതിഞ്ഞ് മസാജ് ചെയ്യുക.

രണ്ട് ടേബിൾ സ്പൂൺ ശുദ്ധമായ തൈരെടുത്ത് കഴുത്തിൽ പുരട്ടുക. പതിനഞ്ചു മിനിറ്റിനു ശേഷം പച്ചവെള്ളമുപയോഗിച്ച് കഴുകിക്കളയാം.

ബദാം ഓയിൽ കഴുത്തിന് ചുറ്റും തേച്ചിടുക. ഇത് കറുപ്പകറ്റാൻ സഹായിക്കും.

ഉരുളക്കിഴങ്ങ് ചെറിയ കഷ്ണങ്ങളായി മുറിച്ച് മിക്സിയിൽ അരച്ചോ ചതച്ചോ നീരെടുത്ത് കഴുത്തിൽ പുരട്ടുക. 15 മിനിറ്റ് കഴിഞ്ഞ് നല്ല തണുത്തവെള്ളമുപയോഗിച്ച് കഴുകിക്കളയുക.

കറ്റാർവാഴ ജെൽ കഴുത്തിൽ നന്നായി തേച്ചു പിടിപ്പിക്കുക. അരമണിക്കൂറിനു ശേഷം ശുദ്ധമായ വെള്ളമുപയോഗിച്ച് കഴുകിക്കളയാം.

രണ്ട് ടേബിൾ സ്പൂൺ ആപ്പിൾ സിഡർ വിനഗറെടുത്ത് അതിൽ പഞ്ഞിയോ കോട്ടൺ തുണിയോ മുക്കി കഴുത്തിൽ പുരട്ടുക. കുറച്ചുകഴിഞ്ഞ് പച്ചവെള്ളമുപയോഗിച്ച് കഴുത്ത് വൃത്തിയാക്കാം.

കാപ്പി പൊടി തെെരിൽ മിക്സ് ചെയ്ത് കഴുത്തിന് ചുറ്റും തേച്ചിടുക. ഇത് കറുപ്പകറ്റാൻ സഹായിക്കും.