‌സീസണൽ അണുബാധകൾ പിടിപെടാതിരിക്കാൻ സഹായിക്കുന്ന ആറ് പാനീയങ്ങൾ

‌സീസണൽ അണുബാധകൾ പിടിപെടാതിരിക്കാൻ സഹായിക്കുന്ന ആറ് പാനീയങ്ങൾ

വിറ്റാമിൻ സിയും മറ്റ് സംയുക്തങ്ങളും ധാരാളമായി അടങ്ങിയിട്ടുള്ള നെല്ലിക്ക ജ്യൂസ് പ്രതിരോധശേഷി കൂട്ടാനും അണുബാധകളിൽ നിന്ന് സംരക്ഷിക്കാനും സഹായിക്കുന്നു.

ശക്തമായ ആന്റിഓക്‌സിഡന്റുകളിലൂടെ ഗ്രീൻ ടീ രോഗപ്രതിരോധ ശേഷി വർദ്ധിപ്പിക്കാൻ സഹായിക്കുന്നു. ഇവ രോഗപ്രതിരോധ കോശങ്ങളെ ഓക്സിഡേറ്റീവ് നാശത്തിൽ നിന്ന് സംരക്ഷിക്കുകയും ചെയ്യുന്നു.

ശ്വസനസംബന്ധമായ പ്രശ്നങ്ങൾ അകറ്റാൻ തുളസി വെള്ളം പതിവായി സഹായിക്കുന്നതാണ്.

ജലദോഷം, ശ്വാസകോശ സംബന്ധമായ അസ്വസ്ഥതകൾ എന്നിവയ്ക്കുള്ള പരിഹാരമായി പണ്ടുമുതലേ ഇഞ്ചി ഉപയോഗിച്ചുവരുന്നു. ഇളം ചൂടുവെള്ളത്തിൽ ഇഞ്ചി ചേർത്ത് കുടിക്കാവുന്നതാണ്.

വീക്കം കുറയ്ക്കാനും ആന്റിഓക്‌സിഡന്റ് ഗുണങ്ങൾ നൽകാനും സഹായിക്കുന്ന 'കുർക്കുമിൻ' എന്ന സംയുക്തം മഞ്ഞളിൽ അടങ്ങിയിട്ടുണ്ട്. മഞ്ഞൽ വെള്ളം വെറും വയറ്റിലോ അല്ലാതെയോ കുടിക്കുക.

ചെമ്പരത്തി ചായയിൽ വിറ്റാമിൻ സി ധാരാളമായി അടങ്ങിയിരിക്കുന്നു. ഇരുമ്പ് ആഗിരണം ചെയ്യുന്നതിനും ചർമ്മകോശങ്ങളുടെ ആരോഗ്യം നിലനിർത്തുന്നതിനും ഇത് സഹായിക്കുന്നു.