തേൻ കഴിച്ചാൽ അമിതവണ്ണം കുറയുമോ?

ഏറെ മധുരമുള്ളത് കൊണ്ട് തന്നെ തേൻ കഴിക്കാൻ ഇഷ്ടപ്പെടുന്നവരാണ് നമ്മളിൽ അധികവും. കൂടാതെ പലപ്പോഴും പഞ്ചസാരയ്ക്ക് നല്ലൊരു ബദലായി കണക്കാക്കപ്പെടുന്നു. 

ശരീരഭാരം കുറയ്ക്കാൻ തേൻ പലരും കഴിക്കാറുണ്ട്. യഥാർത്ഥത്തിൽ തേൻ കഴിച്ചാൽ വണ്ണം കുറയുമോ? ശുദ്ധീകരിച്ച പഞ്ചസാരയ്ക്ക് പകരം ഉപയോഗിക്കുമ്പോൾ ശരീരഭാരം കുറയ്ക്കാൻ തേൻ സഹായിക്കും.

തേൻ അമിത വിശപ്പ് തടയുന്നു. ദിവസവും 1-2 ടീസ്പൂൺ, പ്രത്യേകിച്ച് ചെറുചൂടുള്ള വെള്ളമോ നാരങ്ങയോ ചേർത്ത് കഴിക്കുന്നത് വയറിലെ കൊഴുപ്പ് കുറയ്ക്കുകയും ദഹനം മെച്ചപ്പെടുത്തുകയും ചെയ്യും.

തേൻ ശരീരഭാരം, അഡിപോസിറ്റി (കൊഴുപ്പ്), ബോഡി മാസ് ഇൻഡക്സ് (ബിഎംഐ) എന്നിവ കുറയ്ക്കാൻ സഹായിക്കുമെന്നാണ് പഠനങ്ങൾ പറയുന്നത്.

ഒരു ടേബിൾ സ്പൂൺ തേനിൽ ഏകദേശം 64 കലോറി ഉണ്ട്. അതിനാൽ അമിത ഉപയോഗം ഒഴിവാക്കുക. രാവിലെ വെറും വയറ്റിൽ അല്ലെങ്കിൽ രാത്രി ഭക്ഷണത്തിന് ശേഷം കഴിക്കുന്നതാണ് ഏറെ നല്ലത്.

ചൂടാക്കിയോ തിളച്ച വെള്ളത്തിലോ തേൻ ചേർക്കരുത്. ചെറുചൂടുവെള്ളം, നാരങ്ങാനീര്, അല്ലെങ്കിൽ ഇഞ്ചിനീര് എന്നിവയ്‌ക്കൊപ്പം ഉപയോഗിക്കുന്നതാണ് ഏറ്റവും നല്ലത്.

പ്രമേഹരോഗികൾ തേൻ ഉപയോഗിക്കുന്നതിൽ ജാഗ്രത പാലിക്കണം. കാരണം ഇത് പഞ്ചസാരയുടെ അംശം വർദ്ധിപ്പിക്കും.

ആന്റിഓക്സിഡന്റുകൾ ധാരാളം അടങ്ങിയ തേൻ അണുബാധകളെയും പനിയെയും തടയാൻ സഹായിക്കുന്നു.

തേൻ ചെറുനാരങ്ങാനീരുമായി ചേർത്ത് കഴിക്കുന്നത് തൊണ്ടവേദനയ്ക്കും ചുമയ്ക്കും ആശ്വാസം നൽകും.

പെട്ടെന്ന് ശരീരത്തിന് ഉന്മേഷവും ഊർജ്ജവും നൽകാൻ തേൻ നല്ലതാണ്. ചർമ്മത്തിന് ഈർപ്പവും തിളക്കവും നൽകാൻ തേൻ സഹായിക്കുന്നു.