ശരീരഭാരം

എത്ര ‍‍ഡയറ്റ് നോക്കിയിട്ടും ശരീരഭാരം കുറയുന്നില്ലെന്ന് പരാതി പറയുന്ന നിരവധി പേരുണ്ട്. വളരെ പെട്ടെന്ന് ഭാരം കൂടുന്നതിന്റെ  ചില പ്രധാനപ്പെട്ട കാരണങ്ങളെ കുറിച്ചറിയാം.

ഹോർമോൺ അസന്തുലിതാവസ്ഥയാണ് ആദ്യത്തെ കാരണമെന്ന് പറയുന്നത്. ഈസ്ട്രജൻ, ടെസ്റ്റോസ്റ്റിറോൺ തുടങ്ങിയ ഹോർമോണുകളിലെ മാറ്റങ്ങൾ ഭാരം കൂട്ടാം.
 

സ്ട്രെസ് കൂടുന്നത് കോർട്ടിസോളിന്റെ അളവ് കൂട്ടുന്നതിന് ഇടയാക്കും. തുടർന്ന് അമിതമായ ഭക്ഷണം കഴിക്കുന്നതിന് കാരണമാവുകും ഭാരം കൂടുന്നതിന് ഇടയാക്കുകയും ചെയ്യും. 

ഉറക്കക്കുറവ്  അമിതവിശപ്പിന് ഇടയാക്കും. ഇത് ഭാരം കൂട്ടുന്നതിലേക്ക് നയിക്കും.
 

ചില മരുന്നുകളുടെ ഉപയോ​ഗം ശരീരഭാരം കൂട്ടുന്നതിന് കാരണമാകുന്നു. ​ഗർഭനിരോധന മരുന്നുകൾ, ആൻ്റി ഡിപ്രസൻ്റ് ഗുളികകൾ എല്ലാം തന്നെ ഭാരം കൂട്ടാം.
 

വ്യായാമമില്ലായ്മ ഭാരം കൂട്ടുന്നതിന് പ്രധാനപ്പെട്ട കാരണമാണ്. ദിവസവും 15 മിനുട്ട് നേരം വ്യായാമം ശീലമാക്കുക.
 

പിസിഒഎസ്, ഹൈപ്പോതൈറോയിഡിസം, പ്രമേഹം എന്നിവയെല്ലാം ഭാരം കൂട്ടാം.