യൂറിനറി ഇൻഫെക്ഷൻ ; ഈ ലക്ഷണങ്ങൾ അവ​ഗണിക്കരുത്

യൂറിനറി ഇൻഫെക്ഷൻ ; ഈ ലക്ഷണങ്ങൾ അവ​ഗണിക്കരുത്

മൂത്രനാളിയിലെ അണുബാധ ഇന്ന് കുട്ടികളിൽ കൂടുതലായി കണ്ട് വരുന്നു. ബാക്ടീരിയകൾ മൂത്രനാളിയിൽ പ്രവേശിച്ച് പെരുകി മൂത്രസഞ്ചി, മൂത്രനാളി അല്ലെങ്കിൽ വൃക്കകളെയും ബാധിക്കുന്നു.

ക്യത്യസമയത്ത് മൂത്രമൊഴിക്കാതെ അധിക സമയം മൂത്രാശയത്തില്‍ കെട്ടിനില്‍ക്കുന്നത്‌ അണുക്കള്‍ വളരാനുള്ള സാഹചര്യം ഒരുക്കുന്നു. 

മൂത്രത്തിൽ അണുബാധ ഉണ്ടാകാനുള്ള പ്രധാനകാരണം വൃത്തിയില്ലായ്മ തന്നെയാണ്. വെള്ളം ധാരാളം കുടിച്ചാൽ യൂറിനെറി ഇൻഫെക്ഷൻ തടയാനാകുമെന്ന് വിദ​ഗ്ധർ പറയുന്നു. 

ഇൻഫെക്ഷൻ രണ്ട് തരത്തിലുണ്ട്. മൂത്രസഞ്ചിയെ ബാധിക്കുന്ന ഇൻഫെക്ഷനും കിഡ്നിയെ ബാധിക്കുന്ന ഇൻഫെക്ഷനും. അതിൽ കി‍ഡ്നിയെ ബാധിക്കുന്ന ഇൻഫെക്ഷനാണ് ഏറ്റവും അപകടകാരി. 

മൂത്രമൊഴിക്കുമ്പോൾ ബുദ്ധിമുട്ട്, പലപ്പോഴും പെട്ടെന്ന് മൂത്രശങ്ക ഉണ്ടാവുക, ദുർഗന്ധം വമിക്കുന്ന, തെളിച്ചമില്ലാത്ത, അല്ലെങ്കിൽ രക്തം കലർന്ന മൂത്രം കാണുക, നടുവിന് താഴെയുണ്ടാകുന്ന വേദന.

മൂത്രത്തില്‍ അണുബാധ ഉണ്ടെന്നു സംശയം തോന്നിയാല്‍ ഉടൻ ഡോക്ടറുടെ സേവനം തേടുക. ഇല്ലെങ്കില്‍ ഇത് ഗുരുതരമായ മറ്റു പ്രശ്നങ്ങള്‍ക്കു കാരണമാകാം.