ഈ തെരഞ്ഞെടുപ്പില്‍ മറുകണ്ടം ചാടിയ സ്ഥാനാർത്ഥികൾ

തെരഞ്ഞെടുപ്പ് കാലത്ത് മറുകണ്ടം ചാടി മത്സരിക്കുന്നത് പതിവാണ്. ഇത്തവണ മറുകണ്ടം ചാടി മത്സരിക്കുന്നത് ആരൊക്കെയാണെന്ന് നോക്കാം.

63 വർഷം നീണ്ട സിപിഎം അംഗത്വം ഉപേക്ഷിച്ചാണ് സിപിഎം നേതാവും മന്ത്രിയുമായിരുന്ന ജി സുധാകരൻ കോൺ​ഗ്രസ് പാളയത്തിൽ എത്തിയിരിക്കുന്നത്. അമ്പലപ്പുഴയിലാണ് ജി സുധാകരൻ മത്സരിക്കുന്നത്. 

സിപിഎം പുറത്താക്കിയതിനെത്തുടര്‍ന്ന് പയ്യന്നൂരിലെ സ്വതന്ത്ര സ്ഥാനാര്‍ഥിയായാണ് വി കുഞ്ഞികൃഷ്ണന്‍ മത്സരിക്കുന്നത്. പിന്തുണ നല്‍കാന്‍ കോണ്‍ഗ്രസും തീരുമാനിച്ചു. 

മുൻ സിപിഎം കണ്ണൂ‍ർ ജില്ല സെക്രട്ടറിയേറ്റ് അം​ഗം ടികെ ​ഗോവിന്ദനെ പാർട്ടി പുറത്താക്കിയിരുന്നു. ഇത്തവണ തളിപ്പറമ്പ് നിയോജക മണ്ഡലത്തിലെ സ്വതന്ത്ര സ്ഥാനാഥിയാണ് ടികെ ​ഗോവിന്ദൻ.

കോൺഗ്രസിന്റെ മുൻനിരയിൽ നിന്ന് ബിജെപിയുടെ ദേശീയ നേതൃത്വത്തിലേക്ക് മാറിയ പത്മജ വേണു​ഗോപാൽ തൃശൂരാണ് മത്സരിക്കുന്നത്.

2021-ൽ സിപിഐ സ്ഥാനാർഥിയായി മത്സരിച്ച് ജയിച്ച സിസി മുകുന്ദൻ ബിജെപിക്ക് വേണ്ടിയാണ് ഇത്തവണ മത്സരിക്കുന്നത്.

മുസ്ലീം ലീ​ഗ് വിമതൻ കുന്നത്ത് മുഹമ്മദ് സ്വതന്ത്ര സ്ഥാനാർഥിയായാണ് ഇത്തവണ മങ്കടയില്‍ മത്സരിക്കുന്നത്.