വാഷിംഗ് മെഷീൻ

വാഷിംഗ് മെഷീൻ വന്നതോട് തുണികൾ കഴുകുന്നത് എളുപ്പമുള്ള ജോലിയായി മാറി. എന്നിരുന്നാലും എല്ലാത്തരം വസ്ത്രങ്ങളും മെഷീനിലിട്ട് കഴുകാൻ സാധിക്കുകയില്ല.
 

പട്ട്, ലെയ്സ് പോലുള്ള തുണികൾ ഒരിക്കലും വാഷിംഗ് മെഷീനിൽ ഇടരുത്. വാഷിംഗ് മെഷീനിൽ സ്പിന്നിങ്  ഉള്ളതിനാൽ നൂലുകൾ വലിഞ്ഞ് പോകാൻ കാരണമാകുന്നു.

തുണിയിൽ മണ്ണെണ്ണ, ഡീസൽ, പെട്രോൾ എന്നിവ വീണാൽ ആ കറ നീക്കം ചെയ്യാതെ വാഹിങ്‌ മെഷീനിൽ കഴുകാൻ ഇടരുത്. ഇത് സോപ്പ് പൊടിയുമായി കലരുമ്പോൾ വിഷാംശമാകാം.

വസ്ത്രങ്ങളിൽ എന്തെങ്കിലും തരത്തിൽ കറകൾ ഉണ്ടെങ്കിൽ അത് നീക്കം ചെയ്യാതെ വാഷിംഗ് മെഷീനിൽ കഴുകാൻ ഇടരുത്. കറ കളയാതെ ഇട്ടാൽ ഇത് മറ്റ് വസ്ത്രങ്ങളിലേക്കും പടരുന്നു.

അമിതമായി കട്ടിയുള്ള ബ്ലാങ്കറ്റുകളോ റഗ്ഗുകളോ വാഷിംഗ് മെഷീനിൽ ഇടരുത്. ഇത് മെഷീനിൽ അധിക സമ്മർദ്ദം ഉണ്ടാക്കുന്നു.
 

വെള്ളത്തെ പ്രതിരോധിക്കുന്ന മഴ കോട്ടുകൾ, ഷവർ കർട്ടനുകൾ എന്നിവ മെഷീനിൽ കഴുകരുത്. ഇത് വാഷിംഗ് സൈക്കിളിൽ വെള്ളം തങ്ങി നിൽക്കാൻ കാരണമാകുന്നു.

വളർത്ത് മൃഗങ്ങളുടെ രോമമുള്ള കിടക്ക വിരിപ്പുകൾ അതെ രീതിയിൽ  വാഷിംഗ് മെഷീനിൽ ഇടാതിരിക്കാൻ ശ്രദ്ധിക്കണം. ഇത് മെഷീനിൽ അടഞ്ഞിരിക്കാൻ കാരണമാകുന്നു. 
 

ലെതർ കൊണ്ടുള്ള തുണികളും ബാഗുകളും ഒരിക്കലും വാഷിംഗ് മെഷീനിലിട്ട് കഴുകരുത്. അങ്ങനെ കഴുകിയാൽ ഇതിന്റെ ഗുണമേന്മ നഷ്ടപ്പെടാം.