വിത്തുകൾ

പുറത്ത് നിന്നും വാങ്ങിക്കുന്ന വിത്തുകളുടെ ഗുണമേന്മ എത്രത്തോളമുണ്ടെന്ന് നമുക്ക് മനസിലാക്കാൻ സാധിക്കില്ല. ചിലപ്പോൾ അവ രാസവസ്തുക്കൾ ചേർത്തതുമാകാം. 

തണ്ണിമത്തൻ, മത്തങ്ങ, ബീൻസ്, വെള്ളരി തുടങ്ങിയവയുടെ വിത്തുകൾ വേനൽ സമയത്ത് സൂക്ഷിക്കാൻ കഴിയുന്നവയാണ്.

തണ്ണിമത്തൻ പഴവർഗ്ഗമായതിനാൽ ഇവ ടെറസിൽ എളുപ്പത്തിൽ വളരുന്നു. വിത്ത് നന്നായി കഴുകി വൃത്തിയാക്കിയതിന് ശേഷം ഒരു ടിഷ്യൂ പേപ്പറിൽ ഉണക്കാൻ വയ്ക്കണം. 

പച്ചക്കറികളായ വെള്ളരി, മത്തങ്ങ, ബീൻസ് എന്നിവയിൽ നിന്നും വിത്തുകൾ അടർത്തി എടുക്കുന്നതിനേക്കാളും പച്ചക്കറികൾ തന്നെ ഉണക്കിയെടുക്കുന്നതാണ് നല്ലത്. 
 

പച്ചക്കറികൾ വെയിലത്ത് വെച്ച് നന്നായി ഉണക്കിയെടുക്കണം. ബ്രൗൺ നിറമായതിന് ശേഷം അതിൽ നിന്നും വിത്തുകൾ എടുക്കാവുന്നതാണ്.

കടകളിൽ നിന്നും വാങ്ങിയ പച്ചക്കറികളുടെ വിത്തുകൾ നട്ടുവളർത്താൻ എടുക്കാതിരിക്കാം. 

വിത്തുകൾ എടുത്തതിന് ശേഷം നന്നായി വൃത്തിയാക്കി വായു കടക്കാത്ത പാത്രത്തിലാക്കി സൂക്ഷിക്കണം. 
 

വൃത്തിയാക്കിയ വിത്തുകൾ ഫ്രിഡ്ജിൽ സൂക്ഷിക്കാം. അതേസമയം വിത്തുകൾ ഫ്രീസറിൽ സൂക്ഷിക്കുന്നത് ഒഴിവാക്കണം. അല്ലെങ്കിൽ ഇവ മൺപാത്രത്തിലാക്കിയും സൂക്ഷിക്കാവുന്നതാണ്.