എൽപിജി ക്ഷാമം; അടുക്കളയിലെ ഗ്യാസ് ചോർച്ച തടയാൻ ചെയ്യേണ്ടത്

ഗ്യാസ് സ്റ്റൗ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നോക്കാം.

അടുക്കളയിൽ നല്ല വായുസഞ്ചാരമുള്ള സ്ഥലത്ത് എൽപിജി സിലിണ്ടർ വെക്കണം. സിലിണ്ടർ ചരിഞ്ഞുവെക്കുന്നത് പൂർണ്ണമായും ഒഴിവാക്കുക. ഇത് ഗ്യാസ് ചോർച്ചയ്ക്ക് കാരണമായേക്കാം.

സിലിണ്ടറുമായി ഘടിപ്പിച്ചിട്ടുള്ള റബ്ബർ ഹോസിൽ നിന്ന് ഗ്യാസ് ചോരാൻ സാധ്യതയുണ്ട്. കാലക്രമേണ, ഈ റബ്ബർ ഹോസിൽ വിള്ളലുകൾ വീണ് ഗ്യാസ് ചോർച്ചയുണ്ടാകാം. ഹോസ് ഇടയ്ക്കിടെ പരിശോധിക്കുക. 

സ്റ്റൗവിന്‍റെ നോബ് മാത്രം ഓഫ് ചെയ്താൽ പോരാ. ഉപയോഗശേഷം റെഗുലേറ്റർ ഓഫ് ചെയ്യാൻ മറക്കരുത്. ഇത് അപകട സാധ്യത കുറയ്ക്കും.

അടുക്കളയിൽ ഗ്യാസിന്‍റെ മണം വന്നാൽ അവഗണിക്കരുത്. ഉടൻ തന്നെ റെഗുലേറ്റർ ഓഫ് ചെയ്യുക. വാതിലുകളും ജനലുകളും തുറന്നിടാൻ മറക്കരുത്.

പ്ലാസ്റ്റിക് കവറുകൾ, ടിഷ്യൂ പേപ്പർ, എണ്ണമയമുള്ള തുണികൾ എന്നിവ ഗ്യാസ് സ്റ്റൗവിന് സമീപം വെക്കരുത്. ഇത് തീപിടിക്കാനുള്ള സാധ്യത വർദ്ധിപ്പിക്കും.