പെയിന്റ് ചെയ്യുന്നത്

ശരിയായ രീതിയിൽ വീട് പെയിന്റ് ചെയ്തില്ലെങ്കിൽ ഭാവിയിൽ ഇളകിവരാൻ സാധ്യത കൂടുതലാണ്. പെയിന്റ് ചെയ്യുമ്പോൾ ഈ അബദ്ധങ്ങൾ ഒഴിവാക്കാം.

പെയിന്റ് അമിതമായി ഉപയോഗിക്കരുത്. ഇതിന് കൃത്യമായ കണക്കുണ്ടാവണം. ടെക്സ്ച്ചർ കൃത്യം അല്ലെങ്കിൽ പെയിന്റ് ഇളകിപ്പോകാൻ സാധ്യതയുണ്ട്.

ശരിയായ രീതിയിൽ പെയിന്റ് ചെയ്യണമെങ്കിൽ അതിന് ആവശ്യമായ ഉപകരണങ്ങൾ ഉണ്ടാവണം. ബ്രഷ്, റോളർ തുടങ്ങി എല്ലാ ഉപകരണങ്ങളും ഉണ്ടെന്ന് ഉറപ്പ് വരുത്താം.

നല്ല വെളിച്ചമുള്ള സമയത്ത് മാത്രമേ പെയിന്റ് ചെയ്യാൻ പാടുള്ളൂ. പെയ്ന്റിന്റെ നിറം പ്രകൃതിദത്ത വെളിച്ചത്തിൽ കാണുന്നതുപോലെ ആയിരിക്കില്ല ആർട്ടിഫിഷ്യൽ വെളിച്ചത്തിൽ കാണുന്നത്.

എല്ലാ ഭാഗങ്ങളും ഒരുമിച്ച് പെയിന്റ് ചെയ്യാൻ ശ്രദ്ധിക്കണം. ഇല്ലെങ്കിൽ ഇത് വീടിന് അഭംഗി ഉണ്ടാക്കിയേക്കാം.

ആദ്യം അടിച്ച പെയിന്റ് പൂർണമായും ഉണങ്ങാതെ രണ്ടാമത്തെ കോട്ട് അടിക്കരുത്. ഇത് പെയിന്റ് ശരിയായ രീതിയിൽ ഒട്ടിപ്പിടിക്കുന്നതിന് തടസമാകുന്നു.

ശരിയായ രീതിയിൽ വൃത്തിയാക്കാതെ ചുവര് പെയിന്റ് ചെയ്യുന്നത് ഒഴിവാക്കണം. ഭാവിയിൽ പെയിന്റ് ഇളകിവരാൻ ഇത് കാരണമാകും.

ചെറിയ അബദ്ധങ്ങൾ പോലും പെയിന്റ് ഇളകിവരാൻ കാരണമാകുന്നു. അതിനാൽ തന്നെ ഫിനിഷ് ചെയ്യുമ്പോൾ പ്രത്യേകം ശ്രദ്ധിക്കേണ്ടതുണ്ട്. നല്ല പെയിന്റ് ഫിനിഷുകൾ തെരഞ്ഞെടുക്കാം.