പാമ്പിനെ തുരത്താം

പാമ്പിനെ ഭയമില്ലാത്തവരായി ആരും ഉണ്ടാവില്ല. വീട്ടിൽ പാമ്പ് ശല്യം ഉണ്ടെങ്കിൽ ഇക്കാര്യങ്ങൾ ശ്രദ്ധിച്ചോളൂ.

പുറത്തു നിന്നും വീടിനുള്ളിലേക്ക് പാമ്പ് കയറുന്നതിന് തടയേണ്ടത് വളരെ പ്രധാനമാണ്. അതിനാൽ തന്നെ ചെറിയ ഇടകളും വിള്ളലുകളും അടയ്ക്കാൻ ശ്രദ്ധിക്കണം.

വീട്ടിലെ ഗാർഡൻ എപ്പോഴും വൃത്തിയോടെ സൂക്ഷിക്കാൻ ശ്രദ്ധിക്കണം. ചെടികൾ വളർന്ന് കാടുപോലെയാകുന്നതും ചവറുകൾ കൂടുന്നതും പാമ്പിന് ഒളിച്ചിരിക്കാൻ സൗകര്യമൊരുക്കുന്നു.

വീട്ടിൽ കോഴികളേയും പക്ഷികളേയും വളർത്തുന്നുണ്ടെങ്കിൽ പ്രത്യേകം ശ്രദ്ധിക്കേണ്ടതുണ്ട്. ഇവയെ സുരക്ഷിതമായ സ്ഥലത്ത് അടച്ച് വളർത്താം. ഇല്ലെങ്കിൽ പാമ്പ് വരാൻ സാധ്യതയുണ്ട്.

ഭക്ഷണാവശിഷ്ടങ്ങൾ വീടിന് പുറത്ത് സൂക്ഷിക്കുന്നത് ഒഴിവാക്കണം. ഇത് പാമ്പിനെ ആകർഷിക്കുന്നു.

ഗാർഡനിൽ ചെടികൾ വളർത്തുമ്പോഴും ശ്രദ്ധിക്കണം. ചില ചെടികൾക്കിടയിൽ പാമ്പുകൾ ഒളിഞ്ഞിരിക്കാൻ സാധ്യത കൂടുതലാണ്. അതിനാൽ തന്നെ കാടുപോലെ വളരുന്നവ ഒഴിവാക്കാം.

മാലിന്യങ്ങൾ ഒരിക്കലും വീടിനുള്ളിലോ പുറത്തോ സൂക്ഷിക്കരുത്. അവ പെട്ടെന്ന് തന്നെ നീക്കം ചെയ്യാൻ ശ്രദ്ധിക്കണം. ഇതും വീട്ടിൽ പാമ്പ് വരാൻ കാരണമാകുന്നു.

വീടും പരിസരവും എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം. വൃത്തിയില്ലാത്ത സ്ഥലങ്ങളിലും പാമ്പ് ശല്യം ഉണ്ടാവാം.